🛑रत्नागिरी – सिंधुदुर्ग लोकसभा मतदार संघाबाबत आज होणार निर्णय ! धनुष्यबाण की कमळ ?

✍🏼लोकसंवाद /- समील जळवी सिंधुदुर्ग.

रत्नागिरी – सिंधुदुर्ग लोकसभा मतदार संघाबाबत आज निर्णय ! होणार आहे.धनुष्यबाण की कमळ ?
आज रत्नागिरी सिंधुदुर्ग लोकसभा मतदार संघाचा निर्णय होणार.दरम्यान मिळालेल्या माहिती नुसार रत्नागिरी सिंधुदुर्ग हा मतदार संघ भाजप ने मागितला आहे.कारण हा मतदार संघ शिवसेनेकडे होता.विद्यमान खासदार विनायक हे अद्यापही शिवसेनेत असल्यामुळे तो शिंदे शिवसेनेकडे हा मतदारसंघ गेला नसल्याचे भाजपचे म्हणणे आहे.त्यामुळे विद्यमान शिंदे शिवसेनेची मतं या लोकसभा मतदार संघात किती आहेत हेही शिवसेना ठामपणे सांगत सांगू शकत नसल्याने हा मतदारसंघ भाजपला दयावा.कारण भाजपची स्वतःची मतं आहेत असे भाजपवाल्यांचे म्हणणे आहे.

दरम्यान रत्नागिरी सिंधुदुर्ग मतदार संघावर किरण सामंत यांनी दावा केलेला असून धनुष्य बाणाच्या निशाणीवर ही प्रचार सुरू केलेला आहे.तर भाजपवाल्यांचे म्हणणे की हा मतदारसंघ शिवसेनेचा नाही.कारण शिंदे शिवसेना आता झालेली आहे.पूर्वीपासून भाजपचा मतदारसंघ असून भाजपने दावा केलेले आहे. जर विद्यमान खासदार विनायक राऊत शिंदे शिवसेनेत आले असते.तर हा मतदारसंघ शिंदे शिवसेनेला देणे हरकत नव्हती.

दरम्यान रत्नागिरी व सिंधुदुर्ग लोकसभा मतदारसंघ तसेच ठाण्याचे कल्याण डोंबिवली लोकसभा मतदार संघ हे आहेत.दोन्ही शिवसेनेचे लोकसभा मतदारसंघ वादा च्या भोवऱ्यात अडकलेले असून या दोन्ही मतदार संघावर भाजपने डोळा ठेवलेला आहे.त्यामुळे याबाबत अधिकृत घोषणा आज दुपारपर्यंत होण्याची शक्यता आहे.

रत्नागिरी सिंधुदुर्ग या मतदार संघाच्या निर्णयाबाबत राज्यसह देशाचेही नजरा वळलेले असून कोकणातील हा शिवसेनेचा बालेकिल्ला भाजपकडे जातो की शिंदे शिवसेनेकडे याबाबत सगळ्यांना उत्सुकता लागलेली आहे.जर हा मतदारसंघ शिंदे शिवसेनेकडे गेला तर निर्विवाद कोकणात शिवसेनेचे वर्चस्व असल्याचे दिसते.त्याचा फटका भाजपला शंभर टक्के बसणार असून भाजपचा एकही खासदार कोकणात नाही आहे.

विद्यमान आमदार नितेश राणे वगळता भाजपचा एकही आमदार कोकणात नसल्याचे दिसते.रत्नागिरी-सिंधुदुर्ग मध्ये महायुतीच्या उमेदवारीचा सस्पेन्स कायम लोकसभा निवडणुकीसाठी महाविकास आघाडीचे पहिल्या टप्प्यातील जागावाटप निश्चित झाले आहे.

पहिल्या टप्प्यातील केवळ जागा जाहीर होण्याची औपचारिकता बाकी आहे.शिवसेना उद्धव बाळासाहेब ठाकरे पक्षाला २२ जागा मिळाल्याचे सांगण्यात येत आहे. रत्नागिरी- सिंधुदुर्ग लोकसभा मतदारसंघातून खा. विनायक राऊत यांचेच नाव निश्चित असल्याचे बोलले जात आहे. मात्र, त्यांच्या विरोधात भाजपचा उमेदवार कोण ? केंद्रीय मंत्री नारायण राणे की उद्योजक किरण सामंत ? हे पाहणे औत्सुक्याचे ठरणार आहे.

रत्नागिरी-सिंधुदुर्ग मतदारसंघ शिवसेनेचा बालेकिल्ला म्हणून ओळखला जातो.या मतदारसंघात गेली दोन टर्म ठाकरेंचे विश्वासु शिलेदार खा. विनायक राऊत हे मोठ्या मताधिक्याने विजयी झाले आहेत.आता तिसर्‍यांदा त्यांच्या गळ्यात उमेदवारीची माळ पडणार हे निश्चित आहे.शिवसेनेत उभी फूट पडली आहे. तसेच शरद पवार यांची राष्ट्रवादीसुध्दा दुभंगली आहे.अशातच ही पहिली निवडणूक होत असल्याने लक्षवेधी ठरणार आहे.

रत्नागिरी- सिंधुदुर्गमध्ये भाजपने केंद्रीय मंत्री नारायण राणे यांची उमेदवारी जवळपास निश्चित केल्याची चर्चा आहे.मात्र, रत्नागिरी – सिंधुदुर्ग हा शिवसेनेकडे मतदारसंघ असल्यामुळे शिवसेनेने आपला दावा कायम ठेवत उद्योजक किरण सामंत यांच्या नावाला अधिक पसंती दर्शविली आहे.मात्र, अद्यापही महायुतीचा उमेदवार निश्चित झालेला नाही.

दुसरीकडे, मात्र महाविकास आघाडी खासदार विनायक राऊत यांचे नाव निश्चित केले आहे.मात्र, अद्यापही महाविकास आघाडीकडून उमेदवार्‍यांची यादी अधिकृतरित्या जाहीर केलेली नाही.

भाजप उमेदवाराबाबत सस्पेन्स कायम..

रत्नागिरी- सिंधुदुर्ग लोकसभा मतदारसंघातून विजयीश्री खेचून आणण्यासाठी तिसऱ्यांदा खासदार विनायक राऊत सज्ज झाले आहेत. माझ्याविरोधात कोणताही उमेदवार उभा राहू द्या, जनता जनार्दनाच्या आशीर्वादाने मोठ्या मताधिक्याने आपण विजयी होणार आहे, असा दावा राऊत यांनी केला आहे.आता राऊत यांचा वारू रोखण्यासाठी महायुती कोणाच्या गळ्यात उमेदवारीची माळ घालणार? भाजप की शिंदेंची शिवसेना ? याबाबत दिवसागणिक सस्पेन्स वाढत असून पदाधिकारी, कार्यकर्त्यांसह सर्वांची उत्सुकता लागून राहिली आहे.

भाजप ने 20 जणांची आपली यादी पहिलीच जाहिर केली आहे. भाजप आता काँग्रेस च्या यादीची वाट बघत आहे. कारण किती नाराज होतात. अजून कोणी भाजप मध्ये इन कमिंग होणार आहे का यांची वाट बघत आहे.दुसरं असं की भाजप कडे यादी तयार आहे. पण समोर कोण उमेदवार आहे यावरून नाव बाहेर येणार आहेत.

भाजप ने विद्यमान खासदारांना ही तिकीट नाकारली आहेत. त्यामुळे कोणाला ही खासदार की ची लॉटरी लागू शकते.नको नको म्हणत असताना ही ऐन वेळी नारायण राणे याच्या गळ्यात ही भाजप खासदार कीची माळ टाकू शकते. कारण त्यासाठी राणे कडून कागद पत्रे गोळा करण्याचे काम सुरु आहे.