🛑सावंतवाडी उपजिल्हा रुग्णालयात अखेर सिटीस्कॅन यंत्रणा दाखल.;महिनाभरात होणार कार्यान्वित.

✍🏼लोकसंवाद /- सावंतवाडी.

सावंतवाडी येथील उपजिल्हा रुग्णालयात अखेर सिटीस्कॅन मशीन दाखल झाली आहे. येत्या महिनाभरात ती कार्यान्वित होईल. त्यामुळे आता सावंतवाडीमध्ये सिटीस्कॅनची सोय उपलब्ध होणार आहे. याबाबतची माहिती राजू मसुरकर यांनी दिली. आपल्या जीवन रक्षा ट्रस्टच्या माध्यमातून पाठपुरावा करण्यात आला होता. त्यानंतर पालकमंत्री रवींद्र चव्हाण यांनी ही मशीन उपलब्ध करून दिली असा दावा श्री. मसुरकर यांनी केला आहे. दरम्यान.दरम्यान हे कंत्राट एका खाजगी कंपनीला देण्यात आले आहे.

त्या कंपनीच्या माध्यमातून गरीब तसेच दारिद्र्य रेषेखालील लोकांना मोफत तर अन्य रुग्णांना नाममात्र शुल्क भरून ही सेवा उपलब्ध करून देण्यात येणार आहे त्यासाठी आवश्यक असलेले तज्ञ डॉक्टर टेली मेडिसिनच्या माध्यमातून या ठिकाणी आपला अभिप्राय देणार आहेत. त्यामुळे अत्यवस्थ परिस्थिती रुग्णांना तात्काळ सेवा देणे सोयीचे होणार आहे. तसेच अन्य खाजगी रुग्णालयांकडे गेल्याने होणारा आर्थिक भुर्दंड कमी होणार आहे. लवकरच ही सेवा सुरू करण्यात येणार आहे. त्यासाठी शासनाकडून अधिकृत उद्घाटन करण्यात येणार आहे. त्याचा फायदा गोरगरीब रुग्णांना होणार आहे. विशेष म्हणजे सावंतवाडी उपजिल्हा रुग्णालय मुंबई-गोवा महामार्गवर असल्यामुळे त्याठिकाणी नियमित अपघातग्रस्त रुग्ण येत असतात. मात्र सिटीस्कॅनची यंत्रणा नसल्यामुळे त्यांना अधिक उपचारासाठी अन्य खाजगी रुग्णालय पाठवावे लागत होते. परंतु आता ही सेवा सावंतवाडी उपलब्ध होणार असल्याने त्याचा फायदा होणार गरजू व गोरगरीब रूग्णांना होणार आहे.