🛑आ.वैभव नाईक आणि खा.विनायक राऊत यांचा पराभव निश्चित.;शिवसेना जिल्हा संघटक रुपेश पावसकर.

✍🏼लोकसंवाद /- कुडाळ.

उद्धव ठाकरे यांच्या कालच्या कुडाळ येथील दौऱ्यामध्ये रॅलीमध्ये जो काय उद्धव ठाकरे सेनेच्या कार्यकर्त्यांनी भाजप कार्यालयासमोर गोंधळ घातला आणि भाजप कार्यकर्त्याना हुसकावण्याचा प्रयत्न करून जो काही प्रकार केला. याला सर्वस्वी आमदार वैभव नाईक हे जबाबदार आहेत. त्यामुळे पोलिसांनी त्यांच्यावर कारवाई करावी अशी मागणी आपण करत असल्याचे प्रसिद्ध पत्रकाद्वारे शिवसेनेचे जिल्हा संघटक रुपेश पावसकर यांनी केले आहे. तर आमचं महाराष्ट्राचं नेतृत्व असलेल्या दीपक केसरकर यांच्यावर टीका करण्याचा उद्धव ठाकरे यांना कोणताही नैतिक अधिकार नाही. त्यामुळे कालच्या उद्धव ठाकरेंच्या दौऱ्याचा परिणाम म्हणजे राऊत हे साडेतीन लाख पेक्षा जास्त मताधिक्याने पराभूत होतील आणि वैभव नाईक यांचा पराभव निश्चित असल्याचा दावा रुपेश पावसकर यांनी प्रसिद्ध पत्रकाततून केला आहे.

खरंतर कालची रॅली ही आरएसएन हॉटेल कडून सभा मंडपाकडे उद्धव ठाकरे यांच्या उपस्थितीत आयोजित करण्यात आली होते. मात्र स्वतःची शान पण आणि मोठेपणा दाखवण्यासाठी उद्धव ठाकरे यांची सावंतवाडी येथे सभा चालू असताना वैभव नाईक हे अतिउतावळे आमदार असल्याने स्वतःचा मोठेपणा दाखवण्यासाठी त्यांनी आरएसएन हॉटेल करून रॅलीला सुरुवात केली.यात 50 ते 100 पेक्षा जास्त लोक नव्हते. ही रॅली सभा स्थळा कडे न जाता भाजपच्या कार्यालयासमोर येऊन त्यांनी उलटबाजी घोषणा करण्याचा प्रयत्न केला. त्यामुळे भाजपच्या कार्यकर्त्यांना जशास तसे उत्तर द्यावे लागले. पोलिसांनी याचे सीसीटीव्ही तपासून शिवसेनेच्या कार्यकर्त्यांवर कारवाई करावी. खरं तर तुम्ही रॅली घेऊन सभेकडे जात होता. मग भाजप कार्यालयासमोर आरडाओरड करण्याची गरज काय? सिंधुदुर्ग जिल्ह्यात येऊन निवडणुकीच्या तोंडावर उद्धव ठाकरे यांना सिंधुदुर्गात आणून वातावरण बिघडण्याचे काम खासदार विनायक राऊत आणि वैभव नाईक करत आहेत. त्यामुळे सिंधुदुर्गतील जनता या दोघांचे डिपॉझिट जप्त केल्याशिवाय राहणार नाही.

जे कोंबडे वडे म्हणून उद्धव ठाकरे ओरडत होत ते उद्धव ठाकरे सिंधुदुर्ग जिल्ह्याचा पर्यटन दौरा करायला आले होते. त्यांनी दुपारी मस्तपैकी कोंबडे वाड्यावर ताव मारला कुडाळ नंतर मालवण कणकवली मधील मध्ये जावून कोकटले. आणि वैभव नाईक यांच्या घरी गावठी कोंबडी वडे खावून झोपी गेले.यानंतर सकाळी कोंबडीवाड्याचा नाश्ता करून ते राजापूरला रवाना झालेत. परंतु रत्नागिरी जिल्ह्यात जात असताना त्यांना मी एवढाच इशारा देतोय जर का आमचे नेते उदय सामंत आणी किरण सामंत,रामदास कदम यांच्यासह आमच्या शिवसेनेच्या नेत्यांवर बोलाल तर तुमची कुंडली काढल्याशिवाय गप्प बसणार नाही. असा इशारा रुपेश पावसकर यांनी दिला आहे.

दीपक केसरकर यांच्यावर टीका करणाऱ्या उद्धव ठाकरे यांना हे माहित आहे का की तुमच्या मुलाला पर्यटन मंत्री करून दीपक केसरकर यांच्या सारख्या कर्तुत्वान आमदारावर 2019 मध्ये तुम्ही अन्याय केला होता. दीपक केसरकर यांना पर्यावरण आणि पर्यटन मंत्रीपद जवळपास निश्चित होतं.अशावेळी तुम्ही स्वतः मुख्यमंत्री असताना एकाच घरात दोन मंत्री पद ठेवलीत. तुमच्या मुलाचं कर्तुत्व काय होतं? ज्याला तुम्ही पर्यटन आणि पर्यावरण मंत्री केलं. ज्याला पानबुडी कुठे चालते? हे माहीत नाही.. अशा मुलाला पहिल्यांदा मुंबईतील चांगल्या हायस्कूलमध्ये मराठी शाळेमध्ये शिक्षणाला घाला आणि त्याला पर्यावरणाच्या आणि पर्यटनाचे सगळे ज्ञान द्या. मगच महाराष्ट्र जिंकायला बाहेर पडा. ज्या भास्कर जाधव यांनी नारायण राणे यांच्यावर कणकवली टीका केली ते भास्कर जाधव 1999 ला मातोश्री वरून लाथ मारल्यावर का रडत बाहेर पडले होते?आणि नारायण राणेंकडे का गेले होते? याचे उत्तर आधी भास्कर जाधव आणि द्यावे. निवडणुकीला नारायण राणे कडून रडून पैसे मागणारे भास्कर जाधव तुम्ही सिंधुदुर्गात येऊन जास्त ओरडू नका.अन्यथा तुमची कुंडली बाहेर काढावी लागेल.

सावंतवाडी हा दीपक केसरकारांचा बालेकिल्ला आहे. या ठिकाणी तुम्ही आमच्या दीपक भाईंवर नाहक टीका कराल तर बॅक बाउन्स होऊन येथील जनता तुम्हाला धडा शिकवल्याशिवाय राहणार नाही. आधी सावंतवाडीत तुमचा उमेदवार ठरवा आणि नंतर दीपक केसरकर यांना पराभूत करण्याची भाषा करा.अक्की उबाठा सेना जरी सावंतवाडीत उतरली तरी दीपक केसरक यांना तुम्ही पराभूत करू शकणार नाहीत. आमच्यासारखे कट्टर शिवसैनिक दीपक केसरकर यांच्या विजयासाठी मेहनत घेतील आणि चौथ्यांदा त्यांना विधानसभेवर पाठवतील. अशी टोला आहे रुपेश पावस्कर यांनी लावला आहे.