🛑गणपत मसगे यांना भरतमुनी सन्मान पुरस्काराने सन्मानित..

▪️बेंगलुरु येथे होणाऱ्या अखिल भारतीय कलासाधक संगम राष्ट्रीय कार्यक्रमांमध्ये होणार वितरण..

✍🏼लोकसंवाद /- कुडाळ.

कुडाळ येथील गणपत मसगे यांच्या शिरपेचात आणखी एक मानाचा तुरा मिळाला आहे.संस्कार भारती या राष्ट्रीय स्तरावरती सांस्कृतिक व कला क्षेत्रातगेली 42 वर्षे काम करणाऱ्या राष्ट्रीय संस्थेने श्री गणपत मसगे यांना भरतमुनी सन्मान पुरस्कार 2023 देऊन सन्मानित करण्याचे जाहीर केले असून येत्या 3 फेब्रुवारी 2024 रोजी आर्ट ऑफ लिविंग आश्रम बेंगलुरु येथे होणाऱ्या अखिल भारतीय कलासाधक संगम या राष्ट्रीय स्तरावरील कार्यक्रमांमध्ये सन्मानीय सरसंगचालक श्रद्धेय मोहन भागवतजी यांच्या शुभहस्ते या पुरस्काराचे वितरण होणार आहे. हा पुरस्कार त्यांना ठाकर समाजाच्या कळसुत्री बाहुल्या व चित्रकथी या कलांच्या संगोपन व संवर्धनाच्या कार्यासाठी देण्यात येणार आहे. संस्कार भारती या संस्थेचे पदाधिकारी लवकरच श्री गणपत मसगे यांच्या भेटीसाठी येणार असून त्यांच्या जीवनावर आधारित छोटीशी एक चित्रफीत सुद्धा बनवण्याचा त्यांचा विचार आहे.