🛑कोकणातील लोकसभा निवडणुकीत महायुतिच्या जागावाटपात शिवसेनेला ३ राष्ट्रवादीला १ भाजपला १ ?

✍🏼लोकसंवाद /- ब्युरो न्यूज ,समील जळवी.

कोकण पट्ट्यातील प्रमुख अशा विभागात ठाणे शहर,कल्याण ग्रामीण, पालघर, रायगड आणि रत्नागिरी-सिंधुदुर्ग अशा एकूण पाच लोकसभा मतदार संघाचे महायुती कडून जागा वाटप झाले असून शिंदे गटाला ३, राष्ट्रवादी काँग्रेसला १ आणि भाजपा १ असं एकूण वाटप झाल्याची चर्चा प्रदेश कार्यालयात ऐकायला मिळत आहे.याची अधिकृत पणे घोषणा लवकरच होईल असेही सांगण्यात येत आहे.कोकणांतील या ५ लोकसभा मतदार संघातील ठाणे शहराची जागा ही शिंदे गटाला मिळणार आहे तर त्या ठिकाणी ठाकरे गटाचे विद्यमान खासदार राजन विचारे हे आहेत.मुख्यमंत्री एकनाथ शिंदे यांचे ठाणे शहरात मोठे राजकीय वर्चस्व आहे.त्यामुळे ठाणे मतदार संघ भाजपाला सोडायला मुख्यमंत्री शिंदे तयार नाहीत.रत्नागिरी-सिंधुदुर्ग लोकसभा मतदार संघाऐवजी आम्हाला ठाणे शहर मतदार संघ द्या अशी मागणी भाजपने केलेली आहे.परंतू आपल्या होम पीच मधील जागा सोडायला एकनाथ शिंदे हे तयार नाहीत त्या ठिकाणी शिंदे गटाचा उमेदवार उभा करण्याचे ठरले आहे.त्यामुळे ठाणे शहर आणि कल्याण त्यामुळे हे दोन्ही लोकसभा मतदार संघ शिंदे गटाने स्वतःकडे ठेवण्याचे निश्चित केल्याची चर्चा राजकीय वर्तुळात ऐकायला मिळत आहे.

पालघर लोकसभा पालघर लोकसभा मतदार संघाचे शिवसेनेचे खासदार राजेंद्र गावित हे आहेत. त्यांनी ठाकरे गटात न राहता ते शिंदे गटात आहेत. ते विद्यमान खासदार असल्यामुळे ठरलेल्या सूत्रानुसार जो सीटींग खासदार आहे.राजेंद्र गावित हे गेल्या वेळच्या निवडणुकीत शिवसेनेच्या चिन्हावर निवडून आले होते, त्यामुळे या म तदारसंघावर सेनेचाच दावा असल्याचं सांगितलं जातंय, तसेच या ठिकाणी राजेंद्र गावितच शिवसेनेच्या तिकिटावर निवडणूक लढवतील असंही खासदार श्रीकांत शिंदे यांनी स्पष्ट केलं आहे.त्यामुळे कोकणातील लोकसभेच्या ५ जागांपैकी पैकी शिंदे गटाकडे ३ जागा गेल्या आहेत.

भाजपला काय?

जेव्हा रत्नागिरी सिंधुदुर्ग जिल्ह्याच्या जागा वाटपाची चर्चा झाली तेव्हा शिंदे गटाने रत्नागिरी-सिंधुदुर्ग लोकसभा मतदार संघाच्या जागेवर दावा केलाआहे. तो शिवसेनेची जागा आहे आणि आम्हाला मिळायला हवी असा दावा शिंदे गटाने केला आहे. पण त्या मतदार संघाचे खासदार विनायक राऊत हे दाकरे गटाचे आहेत. मागच्या वेळी दोन नंबरची मते ही माजी खासदार निलेश राणे यांना मिळाली आहेत. ते सध्या भाजपात आहेत.त्यामुळे त्या जागेवर भाजपचा दावा आहे, असं भाजपच्या कार्यकत्यांचे म्हणणे आहे.५ पैकी ४ जागा ह्यां शिंदे गटाला आणि रायगडची जागा अजित पवार गटाला मिळणार असतील तर भाजपाचे काय? मग युती कसली? कोकणात भाजपचे अस्तित्व काय राहणार? भाजपाची कोकणाची पाटी कोरी ठेवायची काय? असा सवाल भाजपा कडून शिंदे गटाला होत आहे.एक तर ठाण्याची जागा सोडा नाहीतर रत्नागिरी-सिंधुदुर्गाची जागा.सोडा असं भाजपच्या नेत्यानी सांगुन शिंदे गटाला कोंडीत पकडण्याच्या प्रयत्न केला आहे.रत्नागिरी सिंधुदुर्ग लोकसभा मतदार संघात भाजपाची ताकद वाढली आहे,असं नेत्यांचे म्हणणे आहे.रत्नागिरी-सिंधुदुर्गाची जागा शिंदे गटाला सोढायला भाजपच्या कार्यकत्यांच्या विरोध आहे. त्यामुळे ही जागा भाजपला सोडल्याशिवाय शिंदे गटाला गत्यंतर राहिलेले नाही.ती भाजपाच्या पारड्यात पडणार अशी चर्चा प्रदेश कार्यालयात ऐकायला येत आहे. रायगड लोकसभा मतदार संघ रायगड लोकसभा मतदार संघात सुनील तटकरे हे विद्यमान खासदार आहेत. ते आता अजित पवार यांच्या गटात आहेत.जागा वाटपाबाबत महायुतीचे जे सूत्र ठरले आहे.त्याके प्रमाणे रायगडची जागा ही अजित पवार गटाला मिळणार आहे.त्या ठिकाणी सुनील तटकरे यांना पुन्हा उमेदवारी मिळणार आहे, अशी चचर्चा ऐकायला मिळत आहे.