🛑महसुलच्या अजब कामाची.. गजब गोष्ट,मनसेने दिला आंदोलनाचा इशारा…

▪️हयात व्यक्तीस मयत दाखवून हयात व्यक्तीची जमीन मयताच्या वारसाच्या नावे केली..

✍🏼लोकसंवाद /- कुडाळ.

मालवण तालुक्यातील असरोंडी गावा मधे दोन समान नावाच्या व्यक्ती रहिवासी होते.पैकी कै. प्रकाश बाळकृष्ण सावंत (डांगळवाडी )हे दिनांक 19- 6 -2019 रोजी मयत झाले.तदनंतर मयताच्या वारसांनी वारस तपास केला.या तपासात याच गावातील हयात असणारे श्री. प्रकाश बाळकृष्ण सावंत (ताटरबांव) वाडी यांच्या मालकीच्या जमिनी देखील महसूलच्या हलगर्जीपणामुळे खाते नंबर न बघताच मयत असणाऱ्या व्यक्तीच्या नावे करण्यात आल्या.ही बाब हयात असणाऱ्या श्री.प्रकाश बाळकृष्ण सावंत (ताटरबाव वाडी )यांच्या लक्षात आल्यावर त्यांच्या पायाखालची जमीन सरकली..त्यांनी याबाबत तलाठी,पोलीस पाटील,तहसीलदार,यांच्या कार्यालयात आपल्या चपला झिझवल्या.गेली तीन वर्ष महसूल विभाग त्यांना या ना त्या कारणाने झुलवत आहे.

त्यांनी अशी घटना महसूल कडून घडून सत्य परिस्थिती अशी आहे.याचा पोलीस पाटील दाखला,स्वतःचे प्रतिज्ञापत्र सादर केले.निवेदने दिली,पत्र दिली.पण सुस्त प्रशासन निद्रिस्त बसले आहे.महसूलची झालेली ही चूक कोणी आपल्या माथ्यावर घ्यायची असा प्रश्न महसूल ला कदाचित पडला आहे.या बाबत त्यानी मनसे कडे मदत मागीतली असता संबंधित प्रकरणात मनसे जिल्हाध्यक्ष यांनी उपविभागीय अधिकारी कुडाळ – मालवण काळुसे मॅडम यांची भेट घेवुन सदर बाब त्यांच्या निदर्शनास आणुन दिली.सर्व कागदपत्रे सादर केली.या बाबत प्रांत मॅडम नी तात्काळ या सबंधीत कारवाईचे आदेश दिले.दरम्यान निवेदनात मनसेने दहा दिवसाचा अल्टीमेटम महसुलला दिला असून.हयात – जिवंत व्यक्तीची जमीन परत त्याच्या नावे दहा दिवसात महसुलने न केल्यास प्रांत कार्यालया समोर आंदोलन छेडण्यात येईल.आंदोलना दरम्यान कायदा सु व्यवस्थेचा प्रश्न निर्माण झाल्यास आपण त्याला सर्वस्वी जबाबदार राहणार आहात असे म्हटले आहे.प्रांताधिकारी भेटी दरम्यान उप जिल्हाध्यक्ष कुणाल किनळेकर, जिल्हा सचिव बाळा पावसकर, तालुकाध्यक्ष हेमंत जाधव, माजी उपतालुकाध्य जगन्नाथ गावडे, शाखाध्यक्ष सिताराम कदम हे उपस्थित होते.