🛑मुंबईच्या दिशेने जाताना मनसे प्रमुख राज ठाकरे यांनी स्वत: रस्त्यावर उतरत टोलनाक्यावर वाहतूककोंडीचा प्रश्न सोडवला..

✍🏼लोकसंवाद /- मुंबई.

रस्त्यावरील ट्रॅफिकच्या समस्येला सर्वसामान्य जनता रोजच सामोरे जाते. या ट्रॅफिकमुळे वाहनांमधील प्रवासी हतबल होतात. अशाच वाहतूकोंडीला आज रविवारी मनसे प्रमुख राज ठाकरेंनाही सामोरे जावं लागलं. मुंबईच्या दिशेने जाताना मनसे प्रमुखांनी स्वत: रस्त्यावर उतरत टोलनाक्यावर जाऊन क्षणार्धात वाहतूककोंडीचा प्रश्न सोडवला.

रोजच्या ट्रॅफिकमुळे सर्वसामान्य जनता नेहमी हैराण होते. ट्रॅफिकमध्ये अडकल्यानंतर वाहनातील प्रवासी तासंतास खोळंबून जातात.

ट्रॅफिकमध्ये अडकल्यांनंतर वाहतूककोंडी सुटत नाही, तोपर्यंत प्रवाशांना कुठेही जाता येत नाही. याच ट्रॅफिकमधून मनसे प्रमुख राज ठाकरेही सुटले नाही. मात्र, रस्त्यावर वाहतूककोंडी झाल्यानंतर राज ठाकरे कारमधून बाहेर येत ठाकरे स्टाइलने वाहतूककोंडीची क्षणात सोडवली.

मनसे प्रमुख राज ठाकरे हे पिंपरी चिंचवड येथील शंभरावा अखिल भारतीय नाट्यसंमेलनाचा कार्यक्रम आटोपून मुंबईच्या दिशेने निघाले होते. मुंबईच्या दिशेने जाताना खालापूर टोलनाक्यावर मोठ्या संख्येने वाहने होती.

या रस्त्यावरील पाच किलोमीटरपर्यंत वाहनांच्या रांगा होत्या. लोकांची गैरसोय पाहून स्वत: राज ठाकरे टोलनाक्यावर गेले. त्यांनी अडकलेल्या रुग्णावाहिकेलाही रस्ता करून दिला. यावेळी राज ठाकरेंनी ठाकरे शैलीत टोलवरील अधिकाऱ्यांना दम देऊन वाहतूककोंडीचा प्रश्न अवघ्या काही मिनिटात सोडवला.