🛑बाबल भगत यांच्या गाबण गाईवर बिबट्या वाघाने हल्ला केल्याने गाईचा झाला मृत्यू..

▪️माईनवाडा – भगतवाडी मध्ये बिबट्या वाघाच्या दहशतीमुळे शेतकऱ्यांने भितीचे वातावरण..

✍🏼लोकसंवाद /- कुडाळ.

कुडाळ तालुक्यातील आंदुर्ला मुणगी माईनवाडा (भगतवाडी) येथील शेतकरी सच्चितानंद ( बाबल ) गणपत भगत यांच्या घरानजिक असलेल्या गोठ्यात लक्ष्मी नावाच्या गाबण गाईवर आज पहाटे ४ च्या सुमारास बिबट्या वाघाने हल्ला केल्याने गाईचा मृत्यू झाला आहे.तर परिसरात बिबट्या वाघाच्या दहशतीमुळे शेतकऱ्यांमध्ये भितीचे वातावरण पसरले आहे.

जानेवारीत महिन्यात हि गाबण असलेली गाय पाडयाला जन्म देणार होती.मात्र बिबटया वाघाने हल्ला केल्याने गायीचा मृत्यू झाला. दरम्यान हे वृत्त समजताच आज सकाळी यावेळी आंदुर्ला ग्रामपंचायतीचे सरपंच अक्षय तेंडोलकर सदस्य अनिल भगत,माजी उपसरपंच ज्ञानेश्वर तांडेल यांनीही तात्काळ धाव घेतली.तर सकाळी साडेनऊच्या दरम्यान वनविभाचे अधिकारी अनिल राठोड व तेंडोली येथील पशुवैद्यकीय अधिकारी डाॅ.एस.व्ही चव्हाण यांनीही तातडीने येऊन पंचनामा केला.यावेळी शेतकरी संजय भगत,बाबल भगत,निवृत्ती भगत, प्रसाद भगत,कपिल भगत,तेजस भगत,सुरेश भगत,सागर तांडेल, प्रकाश केळुसकर,विलास भगत, दिलिप भगत,आबा नेवाळकर यांच्यासह शेतकरी व ग्रामस्थ उपस्थित होते.