🛑ट्रेनिंग सेंटरसाठी आवश्यक जमीन जिल्हा प्रशासनाकडे हस्तांतरित.;नारायण राणे.

▪️पंतप्रधान येताहेत हे जिल्हावासियांच्या दृष्टीने फार महत्त्वाचे श्री.राणे..

✍🏼लोकसंवाद /- सिंधुदुर्ग.

केंद्र शासनाच्या माध्यमातून सिंधुदुर्गनगरी येथे उभारण्यात येणाऱ्या ट्रेनिंग सेंटरसाठी जिल्हा प्रशासनाने १६ कोटी रूपयांची जमीन लघु, सूक्ष्म आणि मध्यम उद्योग विभागाकडे हस्तांतरित केली आहे. लवकरच याचे भूमिपूजन केले जाईल. विश्वकर्मा योजनेसाठी जिल्ह्यातील लाभार्थ्यांची संख्या वाढली तर जिल्ह्यात प्रशिक्षण सुरू केले जाईल, असे आश्वासन केंद्रीय मंत्री नारायण राणे यांनी आज येथे आयोजित पत्रकार परिषदेत दिले.

दरम्यान नौदल दिनानिमित्त पंतप्रधान जिल्ह्यात येत आहे. हे जिल्हावासियांच्या दृष्टीने खूप मोठे आहे. त्यांच्या दौऱ्याच्या पार्श्वभूमीवर जिल्ह्यात विकासात्मक प्रकल्प आणले जावेत यासाठी आमच्या माध्यमातून पाठपुरावा केला जाणार आहे, असे त्यांनी सांगितले. पडवे येथे आयोजित करण्यात आलेल्या पत्रकार परिषदेत श्री. राणे बोलत होते.