🛑आरोंदा- मळगाव रोडवर राज्य उत्पादन शुल्क पथकाने गोवा बनावटी दारूसह १० लाख २४ हजार किंमतीचा मुद्देमाल जप्त..

✍🏼लोकसंवाद /- सावंतवाडी.

निरीक्षक,राज्य उत्पादन शुल्क,तपासणी नाका इन्सुली येथे राज्य उत्पादन सिंधुदुर्ग या पथकाने मळेवाड जंक्शन जवळ,आरोंदा- मळगाव रोड,ता.सावंतवाडी,जि.सिंधुदूर्ग येथे अवैधरित्या परराज्यातील मद्याची वाहतुक करतांना चारचाकी वाहनासह अंदाजे.10,24,040/- रु. किंमतीचा मुद्देमाल जप्त केला.

दि.23/11/2023 रोजी मा. श्री. विजय सुर्यवंशी साहेब, आयुक्त, राज्य उत्पादन शुल्क, महाराष्ट्र राज्य, मा. श्री. सुनिल चव्हाण साहेब संचालक (अं.व.द.) राज्य उत्पादन शुल्क, महाराष्ट्र राज्य मुंबई, मा. श्री. विजय चिंचाळकर, विभागीय उपआयुक्त, राज्य उत्पादन शुल्क, कोल्हापूर विभाग कोल्हापूर, मा. श्री. वैभव वैद्य साहेब, प्र. अधीक्षक, राज्य उत्पादन शुल्क, सिंधुदुर्ग यांच्या मार्गदर्शनाखाली मिळालेल्या खात्रीलायक बातमीनुसार रात्री 20.30 वाजताचे दरम्यान मळेवाड जंक्शन जवळ, आरोंदा- मळगाव रोड, ता. सावंतवाडी, जि. सिंधुदूर्ग येथे मारुती सुझुकी कंपनीचे बलेनो चारचाकी वाहन क्र. MH-07-AG 1895 या वाहनाची तपासणी केली असता सदर वाहनामध्ये गोवा बनावटीचे विदेशी मद्याच्या विविध ब्रॅण्डचे एकुण 40 बॉक्स असा अवैध मद्यसाठा मिळून आला. सदर प्रकरणी आरोपीत इसम वाहनचालक नामे- प्रदिप विश्वनाथ निग्रे, वय 57 वर्षे, रा.घर नं.18, खारेपाटण, कोष्टी आळी, ता. कणकवली, जि. सिंधुदर्ग याला मुद्देमालासह ताब्यात घेण्यात आले. सदर गुन्ह्यामध्ये अं. रु.2,24,040/- किंमतीचे मद्य तसेच रु.8,00,000/- किंमतीचे चारचाकी वाहन असा एकुण अं. रु. 10,24,040/- किंमतीचा मुद्देमाल जप्त करण्यात आला असून महाराष्ट्र दारुबंदी कायदा 1949 अंतर्गत विविध कलमानुसार गुन्हा नोंदविण्यात आला. सदर कारवाई श्री.तानाजी पाटील दुय्यम निरीक्षक, श्री. प्रदीप रास्कर दुय्यम निरीक्षक, श्री. गोपाळ राणे, सहाय्यक दुय्यम निरीक्षक, श्री. दिपक वायदंडे जवान, श्री. प्रसाद माळी जवान, श्री. रणजीत शिंदे, जवान नि. वाहन चालक यांनी केली.सदर प्रकरणी पुढील तपास दुय्यम निरीक्षक, तपासणी नाका इन्सुली श्री.टी.बी.पाटील हे करीत आहेत.