🛑राज्यात बसलेले खोेके सरकार ३१ तारखेला पडणार.; युवा सेनाप्रमुख आदित्य ठाकरे.

✍🏼लोकसंवाद /- सावंतवाडी.

राज्यातील घटनाबाह्य बसलेले खोके सरकार येत्या ३१ तारखेला पडणार, असा दावा आज येथे युवासेना प्रमुख तथा माजी पर्यटनमंत्री आदित्य ठाकरे यांनी आज येथे केले. दरम्यान आगामी काळात कोकण पदवीधर मतदार संघासह विधानसभा आणि लोकसभा ताब्यात घ्यायच्या आहेत. त्यामुळे एक मिशन म्हणून काम करा, असेही आवाहन त्यांनी यावेळी उपस्थित शिवसैनिकांना केले. कोलगाव येथील माजी जिल्हा परिषद सदस्य मायकल डिसोजा यांंच्या निवासस्थांनी श्री. ठाकरे यांनी आज खळा बैठक घेतली.यावेळी युवा नेते वरुण सरदेसाई, पदवीधर मतदार संघाचे यंत्रणा प्रमुख किशोर जैन, खासदार विनायक राऊत, आमदार वैभव नाईक, संदेश पारकर, शैलेश परब, बाळा गावडे, संजय पडते, अतुल रावराणे, संदेश निकम, रुपेश राऊळ आदी पदाधिकारी उपस्थित होते.

यावेळी श्री. ठाकरे म्हणाले, खळा बैठकीच्या माध्यमातून पुन्हा एकदा मी कोकण दौरा केला आहे. या ठिकाणी येण्यासाठी मला खूप आवडते. येथील लोकांनी मला आणि शिवसेनेला नेहमीच प्रेम दिले आहे. आगामी काळात होणार्‍या निवडणूका लक्षात घेता मोर्चेबांधणी करण्यासाठी आमचे प्रयत्न सुरू आहेत. त्या दृष्टीने आम्ही पदवीधर मतदार संघांच्या निवडणूकीसह आगामी काळात होणार्‍या विधानसभा आणि लोकसभा निवडणूकांत शिवसेनेचा भगवा फडकविण्यासाठी एक मिशन म्हणून हे काम करीत आहोत. त्यात सर्व शिवसैनिकांनी सहभागी व्हावे.