🛑सख्ख्या भावाचे बोट तोडून गंभीर दुखापत केल्या प्रकरणी आरोपीची जामिनावर मुक्तता..

▪️आरोपी तर्फे ॲड विवेक मांडकुलकर यांनी पाहिले काम..

✍🏼लोकसंवाद /- कुडाळ.

सख्ख्या भावाचे बोट तोडून गंभीर दुखापत केल्या प्रकरणी न्यायालयीन कोठडीत असणारा आरोपी महादेव रामचंद्र गोवेकर रा.रांगणा तुळसुळी याची आज कुडाळ येथील मे प्रथमवर्ग न्यायदंडाधिकारी श्री पी आर ढोरे यांनी २५,००० रुपयांच्या सशर्त जामीनावर मुक्तता केली. आरोपी तर्फे ॲड विवेक मांडकुलकर, ॲड प्रणाली मोरे, ॲड भुवनेश प्रभुखानोलकर, ॲड प्रज्ञा पाटील यांनी काम पाहिले.
दिनांक १५/११/२०२३ रोजी दुपारी ०३:४५ वाजता फिर्यादी त्याच्या माहेरी जात असताना आरोपीने त्याच्या वाटेत अडथळा निर्माण केला. याबाबत फिर्यादीने विचारणा केली असता आरोपीने त्याच्या हातातील फावडे फिर्यादीच्या डोक्यावर मारण्यासाठी उगारले.त्यावेळी फिर्यादी ने उजवा हात डोक्यावर घेतला. त्यावेळी फावडे बसून उजव्या हाताचे मधले बोट तुटले तसेच डोक्यास गंभीर दुखापत झाल्याची फिर्याद कुडाळ पोलीस ठाण्यात देण्यात आली होती. सदर फिर्यादी नुसार भा.दं. वि कलम ३२६, ५०४ नुसार गुन्हा दाखल करण्यात आला होता. त्यानुसार संशयीत आरोपी महादेव रामचंद्र गोवेकर रा. रांगणा तुळसुली याला अटक करून दिनांक २१/११/२०२३ रोजी कुडाळ येथील मे. प्रथमवर्ग न्यायदंडाधिकारी साहेब यांचे न्यायालयात हजर करण्यात आले होते. आरोपी तर्फे जामीन अर्ज दाखल करण्यात आला होता. आरोपी तर्फे ॲड विवेक मांडकुलकर यांचा युक्तिवाद ग्राह्य मानून मे. प्रथमवर्ग न्यायदंडाधिकारी श्री पी आर ढोरे यांनी आरोपीची २५,००० रुपयांच्या सशर्त जामीनावर मुक्तता केली.