🛑लोकसभेला भाजप पक्ष देईल त्या उमेदवाराला निवडून आण्याची जबाबदारी आमची.;केंद्रिय मंत्री नारायण राणे.

✍🏼लोकसंवाद /- सिंधुदुर्ग.

लोकसभेला भाजप पक्ष देईल त्या उमेदवाराला निवडून आण्याची जबाबदारी आमची आहे.आगामी काळात होणारी लोकसभा निवडणूक भाजप लढविणार आहे.त्यावेळी पक्ष देईल तो उमेदवार बहुमताने निवडून आणू, असा विश्वास आज येथे आयोजित पत्रकार परिषदेत केंद्रीय मंत्री नारायण राणे यांनी व्यक्त केला. दरम्यान तुम्ही लोकसभा लढणार का? असा सवाल केला असता हा माझा प्रश्न नाही, उमेदवारी कोणाला द्यायची हे पक्ष आणि वरिष्ठ नेते ठरवतील, असे सांगत त्यांनी अधिक बोलणे टाळले. रत्नागिरी-सिंधुदुर्ग लोकसभा मतदारसंघात शिंदे गटाकडून दावा केला जात आहे. किरण सामंत हे लोकसभेचे उमेदवारी मागत आहेत. याबाबत श्री. राणे यांना पत्रकारांनी छेडले असता ते म्हणाले, मतदारसंघात भाजपचाच उमेदवार असणार आहे. पक्ष देईल तो उमेदवार निवडून आणण्याची आमची जबाबदारी आहे. त्यामुळे जो कोणी उमेदवार असेल त्याला बहुमताने निवडून आणण्यासाठी आमचे प्रयत्न असतील. दरम्यान तुम्ही लोकसभा लढवणार का? असा त्यांना प्रश्न केला असता हा माझा प्रश्न नाही. उमेदवारी कोणाला द्यायची हे पक्ष ठरवणार आहे, असे त्यांनी सांगितले.