🛑वेंगुर्ले पंचायत समितीच्या वतीने ग्रामपंचायत स्तरावर स्वच्छता मोहिम..

✍🏼लोकसंवाद /- वेंगुर्ला.
   
भारत सरकार मार्फत आज 
महात्मा गांधी जयंतीच्या पूर्व संधेला आज 1 ऑक्टोबर रोजी व्यापक स्तरावर स्वच्छता मोहिम राबविण्यात आली. वेंगुर्ले पंचायत समितीच्या वतीने गटविकास अधिकारी पूनम राणे यांच्या मार्गदर्शनाखाली आज तालुक्यातील सर्व ग्रामपंचायत स्तरावर ही मोहिम राबविण्यात आली. यावेळी पं. स. मार्फत नोडल अधिकारी नेमण्यात आले होते. या मोहिमेत ग्रा.पं. सरपंच , ग्रामसेवक , ग्रामविकास अधिकारी , शाळा , अंगणवाडी सेविका , ग्रामस्थ बहुसंख्येने सहभागी झाले होते. 15 सप्टेंबर ते 2 ऑक्टोबर या कालावधीत स्वच्छता पंधरवडा अंतर्गत स्वच्छता ही सेवा 2023 उपक्रम राबविला आहे असून वेंगुर्ले पंचायत समिती च्या वतीने विविध उपक्रम राबविण्यात येत आहेत. सोमवारी पं. स. कार्यालय व सर्व ग्रामपंचायत कार्यालय ठिकाणी ‘ कचरा निर्माण न करण्याबाबत ‘ स्वच्छता शपथ कार्यक्रम घेण्यात येणार आहे.