🛑झारापला केक प्रशिक्षण शिबिरात महिलांना आर्थिक सक्षमीकरणाचे धडे..

✍🏼लोकसंवाद /- कुडाळ.

झाराप येथे ग्रामपंचायत ने आयोजित केलेल्या केक प्रशिक्षण शिबिराला महिलांचा उत्स्फूर्त प्रतिसाद मिळाला. दोन दिवसीय शिबिरात २५ महिला सहभागी झाल्या होत्या. या प्रशिक्षणाचा मुख्य उद्देश गावातील महिलांना गाव स्तरावर व्यावसायिक दृष्ट्या केक तयार करता यावेत, या कौशल्याचा वापर करून घरगुती गरजा भागवण्या इतपत पैसे कमावता यावेत आणि त्यातून या महिलांचे आर्थिक सक्षमीकरण व्हावे हा होता. केक प्रशिक्षणाचे उद्घाटन सरपंच दक्षता मेस्त्री यांच्या हस्ते करण्यात आले.अन्वी हरमलकर यांनी विविध प्रकाराचे केक महिलांना बनवीण्यास शिकविले. “महिलांमध्ये काही उपजतच कौशल्य असतात त्याचा वापर करून महिलांनी स्वयंरोजगार किंवा लघुउद्योग सुरू करावा आणि अर्थाजन करून स्वतःबरोबरच कुटुंबालाही स्वावलंबी बनवावे”.असे मार्गदर्शन मेस्त्री यांनी केले. कार्यक्रमाचे प्रास्ताविक वैशाली खानोलकर यांनी केले यावेळी व्यासपीठावर ग्रामपंचायत सदस्य तनया मांजरेकर,विशाखा गोडे आणि स्वाती मांजरेकर , अन्वी हरमलकरआणि प्रशिक्षणार्थी उपस्थित होते.आभार स्वाती मांजरेकर यांनी मानले.