कुडाळ /-
स्पोर्ट डान्स असोसिएशन सातारा जिल्हा मान्यताप्राप्त भारतीय शालेय खेळ महासंघ, क्रीडा व युवक सेवा संचालनालय महाराष्ट्र राज्य यांच्या वतीने आयोजित करण्यात आलेल्या 9 व्या स्पोर्ट डान्स सब – ज्युनिअर, सिनियर राज्यस्तरीय स्पर्धेत पी. के. डान्स क्रु आणि फिटनेस स्टुडिओ कुडाळ याचे डान्स कोरिओग्राफर प्रसाद कमतनूरे यांच्या विद्यार्थ्यांनी उज्ज्वल यश संपादन केले.
कुंजल योगेश पवार ,आराध्या समीर बांदेकर ,आर्या अजय फोंडेकर ,नेहाली दिलीप रावले ,श्रद्धा रमेश सावंत , तेजश्री आनंद हाके आणि सुमन रमेश चव्हाण यांनी ज्युनिअर वयोगटात प्रथम क्रमांक पटकावला. त्यांनी राजस्थानी नृत्यावर कलाविष्कार सादर केला.
रविवार दि.०५ फेब्रुवारी २०२३ रोजी राणी पुतळाबाई महिला विधि महाविद्यालय, भोसरी – पुणे येथे ही स्पर्धा घेण्यात आली. सर्व यशस्वी कलाकारांना प्रसाद कमतनुरे यांचे मार्गदर्शन लाभले. विजेत्या सर्व स्पर्धकांचे आणि पी. के. डान्स क्रु चे सर्वत्र अभिनंदन होत आहे.