🛑मुंबई-गोवा महामार्गालगत फुटलेल्या आंड्यांचा खच..दुर्घधीचे साम्राज्य;ग्रामस्थ अनभिज्ञ

✒️लोकसंवाद /- कुडाळ.

मुंबई गोवा महामार्गावरुन गोव्याच्या दिशेने जात असताना पणदूरतिठा येथील ब्रीज जवळ महामार्गालगतच मोठ्या प्रमाणात अंड्यांचा खच पडल्याचे आज सकाळी निदर्शनास आले.सदरील अंडी कोंबड्यांची असल्याचे दिसत आहेत कुडाळकडे जाताना पणदूर ब्रीज सोडल्यानंतर हि अंडी टाकण्यात आली आहेत.ही टाकलेली अंडी मोठ्या प्रमाणात असल्याने या प्रकाराबाबत स्थानिक ग्रामस्थ यांना कोणतीच माहिती नसल्याचे समजत आहे आहेत.घटनास्थळी दुर्गंधी निर्माण होत आहे. अंडी वाहतूक करणाऱ्या वाहनाला अपघात झाला? की, कोणी अज्ञाताने अंडी फेकून दिली? याबाबत कोणतीही माहीती मिळालेली नाही. मात्र या प्रकाराने परिसरात खळबळ उडाली आहे. संबंधित प्रशासनाने याकडे तातडीने लक्ष देऊन त्याची विल्हेवाट लावावी अशी मागणी स्थानिक ग्रामस्थ सुरेश शिरोडकर व विनायक अणावकर यांनी केली आहे.