🛑सिंधुदुर्ग मेडिकल कॉलेज जिल्हा रुग्णालय तसेच कुडाळ मधील महिला बाल रुग्णालय आरोग्य यंत्रणा व्हँटिलेटरवर.;कुणाल किनळेकर.

✒️लोकसंवाद /- कुडाळ.

पालकमंत्री नितेश राणे यांच्या सुचनेनुसार अमावास्या पौर्णिमेला मोठा गाजावाजा करत नागरिकांसाठी आरोग्य शिबीरे आयोजित करून स्वतःची पाठ थोपटून घेण्यापेक्षा नियमित आरोग्य सेवा देण्याकडे लक्ष द्यावा. खाजगी रुग्णालय व खाजगी डॉक्टर यांच्या लॉबीमुळे सिंधुदुर्ग जिल्ह्याच्या आरोग्यवस्थेची बिकट परिस्थिती झालेली आहे.सावंतवाडी,ओरोस सरकारी रुग्णालया मधून जास्ती जास्त रुग्ण बांबोळी गोवा येथे पाठवले जातात तो महिन्याला आकडा किती असतो, सगळेच रुग्ण बांबूळीला पाठवायची गरज असतें का. लोकप्रतिनिधी म्हणून केवळ मीडियातून मोठ्या बाता मारण्यापेक्षा जिल्ह्यातील सरकारी रुग्णालयांच्या या दयनीय परिस्थितीची प्रत्यक्षात जमिनीवर उतरून माहिती घ्यावी. आज कुडाळ मधील महिला व बाल रुग्णालयात प्रसुती तज्ञ डॉक्टर नाहीत, सोनोग्राफी मशीन बंद का आहे. काही ठिकाणी आरोग्य विषयक मशिनरी आहे टेक्निशियन नाही.दैनंदिन ओपीडीला तज्ञ् डॉक्टर गैरहजर राहून खाजगी हॉस्पिटलला सेवा देतात. सिंधुदुर्ग जिल्हा रुग्णालयामधील काही वॉर्ड डॉक्टर व इतर कर्मचारी अभावी बंद करण्याची नामुष्की ओढवली आहे.अशा परिस्थितीमध्ये सिंधुदुर्ग जिल्ह्यातील सामान्य जनतेला आपले प्राण वाचवण्यासाठी गोवा अथवा कोल्हापूर मुंबईचा आधार घ्यावा लागण म्हणजे जिल्ह्याची शोकांतिकाच म्हणावी लागेल. सिंधुदुर्ग जिल्ह्यातील आरोग्य व्यवस्थेच्या बिकट परिस्थितीला आमदार, खासदार आणि पालकमंत्री जबाबदार असल्याची टीका मनसे उपजिल्हाध्यक्ष कुणाल किनळेकर यांनी या पत्रकाद्वारे केली आहे.