🛑कुडाळ पोलीस ठाण्याचे ट्रॅफिक पोलीस शामसुंदर भगत यांचा प्रामाणिकपणा…

◼️रस्त्यावर सापडलेली 5000 रुपयांची रोख रक्कम मूळ मालकास केली परत..

✒️लोकसंवाद /- कुडाळ.

कुडाळ शहरात तालुक्यातील पिंगुळी गावचे रहिवासी संजय वाळके हे आपल्या आपल्या कामानिमित्त कुडाळ शहर येथे आले असता त्यांचे कुडाळ पोस्ट ऑफिस परिसरात त्यांच्या ताब्यातील पाच हजार (5000 )रुपये रोख रक्कम गहाळ झाली.त्या दरम्यान शोधाशोध सुरु असताना कुडाळ पोलीस ठाण्याचे ट्रॅफिक हवालदार शामसुंदर भगत त्या ठिकाणी आपले कर्तव्य बजावत असताना ही रोख रक्कम त्यांना सापडली. त्यांनी ही रोख रक्कम स्वतःजवळ सांभाळून ठेवली.आणि कुडाळ शहरातील काही शोषल मीडिया ग्रुप वर मॅसेज करून माहिती दिली आणि हरवलेले पाकीट ओळख पटवून नेण्याचे आवाहन केले होते.दरमयांच्या काही वेळाने आपली रोख रक्कम गहाळ झाल्याचे वाळके यांच्या लक्षात आले.याबाबत पोस्ट ऑफिस परिसरातील लोकांना विचारणा केली असता त्यांनी संबंधित रक्कम कुडाळ पोलीस ठाण्याचे ट्रॅफिक हवालदार शामसुंदर भगत यांच्याकडे असल्याचे त्यांना सांगितले.याबाबत वाळके यांनी भगत यांना विचारले असता भगत यांनी खात्री करून घेत संजय वाळके यांना संबंधित रोख रक्कम परत केली.आपली रोख रक्कम परत मिळताच वाळके यांच्या चेहेऱ्यावर समाधान वेक्त केले आणि कुडाळ पोलीस ठाण्याचे ट्रॅफिक हवालदार शामसुंदर भगत यांचे आभार मानले.