🛑पोलिस मुख्यालय ओरोस येथे राष्ट्रीय तंबाखू नियंत्रण कार्यक्रम संपन्न.

✒️लोकसंवाद /- ओरोस.

राष्ट्रीय तंबाखू नियंत्रण कार्यक्रम जिल्हा रुग्णालय व मराठवाडा ग्रामीण विकास संस्था छत्रपती संभाजीनगर व यांच्या संयुक्त विद्यमाने पोलिस मुख्यालय प्रशिक्षण हॉल येथे सिंधुदुर्ग जिल्ह्यातील पोलीस निरीक्षक तसेच इतर पोलिस अधिकारी व कर्मचारी यांना कोटपा 2003 व एफसीटीसी 5.3 अंतर्गत एक दिवसीय कार्यशाळा माननीय श्री डॉ.मोहन दहिकर पोलीस अधीक्षक सिंधुदुर्ग यांच्या अध्यक्षतेखाली मान श्री विकास बडवे गृह उपअधीक्षक, श्री प्रविण कोल्हे, पोलीस निरीक्षक स्थानिक गुन्हे अन्वेषण शाखा सिंधुदुर्ग,यांच्या मार्गदर्शनाखाली आठ जुलै 2026 रोजी मान्यवरांच्या उपस्थितीत कार्यशाळा पार पडली.

सदर कार्यशाळे करता मराठवाडा ग्रामीण विकास संस्थेचे संचालक श्री आप्पासाहेब उगले यांनी कोटपा 2003 कायदा या विषयी त्या मध्ये कलम 4, कलम 6(अ), 6(ब), तसेच कलम 5,7,8 या कलमान्वये सविस्तर माहिती देण्यात आली, तसेच एफसीटीसी 5.3( WHO Framework Convention on Tobacco Control) या बाबत जिल्हा व तालुका स्तरावरील समन्वय समिती यांना सविस्तर मार्गदर्शन केले.त्यानंतर श्री संतोष गोविंद खानविलकर जिल्हा सल्लागार यांनी राष्ट्रीय तंबाखू नियंत्रण कार्यक्रम व तंबाखूमुक्त शाळा बाबत सविस्तर मार्गदर्शन केले त्यानंतर श्री.कार्मिस आल्मेडा यांनी तंबाखू विरोधी शपथ देण्यात आले.

सदर कार्यशाळा यशस्वी करणेकरिता श्री.संतोष खानविलकर जिल्हा सल्लागार एनटीसीपी श्री. कार्मीस आल्मेडा सामाजिक कार्यकर्ता एनटीसीपी श्री.अनिल गुंजे विभागीय व्यवस्थापक मराठवाडा ग्रामीण विकास संस्था छत्रपती संभाजी नगर श्री गणेश उगले व श्री योगेश उगले यांनी महत्त्वाचे सहकार्य केले.