🛑विशाल परब यांच्या पुढाकाराने सावंतवाडीत छोट्या व्यापाऱ्यांना व्यवसाय करण्यासाठी छत्री वाटप..

✒️लोकसंवाद /- सावंतवाडी.

पावसाळ्याच्या पार्श्वभूमीवर भारतीय जनता पार्टीच्या माध्यमातून सावंतवाडी शहरात नागरिकांसाठी छत्री वाटप उपक्रम अत्यंत उत्साहात पार पडला. भाजपचे युवा नेते विशाल परब यांच्या पुढाकारातून, भाजप प्रदेशाध्यक्ष रवींद्र चव्हाण यांच्या नेतृत्वाखाली तसेच पालकमंत्री नितेश राणे यांच्या मार्गदर्शनाखाली हा समाजोपयोगी उपक्रम राबविण्यात आला. ऐन पावसाळ्यात मिळालेल्या या हक्काच्या सावलीबद्दल सावंतवाडीतील व्यापारी आणि स्थानिक नागरिकांनी समाधान व्यक्त करत भाजपचे विशेष आभार मानले आहेत. शहरातील प्रमुख बाजारपेठेत मोठ्या प्रमाणावर हे छत्री वाटप करण्यात आले असून, या मोहिमेला कार्यकर्त्यांचा आणि नागरिकांचा प्रचंड प्रतिसाद लाभला. या विशेष उपक्रमात उपनगराध्यक्ष अॅड. अनिल निरवडेकर, उपसभापती गौरव मुळीक, सावंतवाडी मंडल अध्यक्ष तथा आरोग्य सभापती सुधीर आडीवरेकर, युवामोर्चा अध्यक्ष हितेन नाईक, माजी नगराध्यक्ष बबन साळगांवकर, तसेच जिल्हा उपाध्यक्ष मनोज नाईक यांच्यासह शहरातील प्रमुख पदाधिकारी व कार्यकर्त्यांनी सक्रिय सहभाग घेत नागरिकांना प्रत्यक्ष छत्र्यांचे वाटप केले. या प्रसंगी सावंतवाडी शहरातील नगरसेवक सिद्धार्थ भांबूरे, आनंद नेवगी, प्रतीक बांदेकर, दिलीप भालेकर, नगरसेविका दिपाली भालेकर, सुकन्या टोपले, दुलारी रांगणेकर, निलम नाईक, सुनिता पेडणेकर, केतन आजगांवकर, सुदेश नेवगी, सुमित वाडकर, अॅड. संजू शिरोडकर, नागेश जगताप, धिरेंद्र म्हापसेकर, बंटी जामदार, संतोष सतोष तळवणेकर, अल्ताफ मुल्ला, कुणाल शुंगारे, मेघना साळगावकर, ज्योती मुदाळे, अवनी मेस्त्री यांच्यासह भारतीय जनता पार्टीचे इतर पदाधिकारी, कार्यकर्ते आणि नागरिक खूप मोठ्या संख्येने उपस्थित होते. ऐन पावसाच्या दिवसांत सर्वसामान्य नागरिक आणि व्यापाऱ्यांची गरज ओळखून भाजपने राबविलेल्या या उपक्रमाचे संपूर्ण सावंतवाडी शहरातून कौतुक होत आहे.