🛑कुडाळ-मालवण महिला सेनेच्या सरचिटणीसपदी सौ.साक्षी विजय सावंत यांची नियुक्ती..

✒️लोकसंवाद /- कुडाळ.

शिवसेना पक्षाच्या संघटनात्मक बांधणीला अधिक बळकटी देण्यासाठी कुडाळ-मालवण विधानसभा मतदारसंघातील महिला सेनेच्या सरचिटणीसपदी सौ. साक्षी विजय सावंत यांची नियुक्ती करण्यात आली आहे.ही नियुक्ती वंदनीय हिंदुहृदयसम्राट शिवसेनाप्रमुख बाळासाहेब ठाकरे यांच्या विचारांच्या प्रेरणेने तसेच शिवसेना मुख्य नेते तथा महाराष्ट्र राज्याचे उपमुख्यमंत्री मा. श्री.एकनाथजी शिंदे साहेब यांच्या आदेशानुसार करण्यात आली आहे.

आमदार मा. श्री. निलेशजी राणे यांच्या मार्गदर्शनाखाली पक्ष संघटना अधिक सक्षम करण्यासाठी ही महत्त्वपूर्ण जबाबदारी कुडाळ माजी नगरसेविका सौ. सौ साक्षी विजय सावंत यांच्यावर सोपविण्यात आली आहे. सामाजिक आणि राजकीय क्षेत्रात सक्रिय असलेल्या सौ. सावंत यांच्याकडून महिला संघटन बळकट करण्यासह शिवसेनेची विचारधारा अधिक प्रभावीपणे महिला पोहोचविण्याचे कार्य होईल, असा विश्वास पक्षाच्या वरिष्ठ पदाधिकाऱ्यांनी व्यक्त केला आहे.

शिवसेनाप्रमुख बाळासाहेब ठाकरे यांचा हिंदुत्ववादी विचार आणि धर्मवीर आनंद दिघे साहेब यांची शिकवण आत्मसात करून पक्षवाढीसाठी सर्वांना सोबत घेऊन कार्य करण्याचे आवाहन यावेळी करण्यात आले. महिला सेनेच्या माध्यमातून समाजातील विविध घटकांपर्यंत पोहोचून पक्षसंघटना अधिक मजबूत करण्यासाठी सौ. सावंत कार्यरत राहतील, अशी अपेक्षा व्यक्त करण्यात आली.

या नियुक्तीबद्दल शिवसेना महिला सेना जिल्हाप्रमुख सौ. दिपलक्ष्मी सुशांत पडते यांनी सौ. साक्षी विजय सावंत यांचे अभिनंदन करत त्यांच्या सामाजिक व राजकीय क्षेत्रातील भावी वाटचालीस मनःपूर्वक शुभेच्छा दिल्या.कुडाळ शिवसेनेच्या मासिक सभेत त्याना नियुक्ती पत्र देण्यात आले त्यावेळी शिवसेनेचे पदाधिकारी लोकप्रतिनिधी कार्यकर्ते उपस्थित होते.