🛑धूमस्टाईल कर्कश आवाज करत फिरणाऱ्या दुचाकीस्वारांवर कुडाळ पोलिसांची धडक कारवाई..

✒️लोकसंवाद /- कुडाळ.

कुडाळ शहरात धूमस्टाईल फिरणाऱ्या दुचाकीस्वारांना कुडाळ पोलिसांनी दणका दिला आहे. कुडाळ शहरात संध्याकाळी ७ च्या सुमारास फिरणाऱ्या रॉयल इनफील्ड दुचाकीवर (एमएच ०७ ए डब्लू ३) धूम स्टाईल कर्कश आवाज प्रकरणी कुडाळ पोलीस ज्योती रायशिरोडकर आणि पोलीस शाम भगत यांनी दंडात्मक कारवाई केली. यावेळी दुचाकीस्वाराला २ हजार रुपयांचा दंड ठोठावण्यात आला. तसेच सदर दुचाकीचा कर्णकर्कश असलेला सायलेन्सर काढून टाळण्यात आला. कुडाळ पोलिसांकडून चालू आठवड्यात चार ते पाच कर्णकर्कश आवाज असलेल्या दुचाकींवर कुडाळ पोलिसांनी दंडात्मक कारवाई केली आहे.