🛑राज्य सरकारी निम सरकारी शिक्षक शिक्षकेतर कर्मचारी संघटना यांच्या वतीने 21 एप्रिल रोजी राज्यव्यापी आंदोलन..

✒️लोकसंवाद /- कुडाळ.

राज्य सरकारी निम सरकारी शिक्षक शिक्षकेतर कर्मचारी संघटना समन्वय समितीच्या वतीने दिनांक २१ एप्रिल २०२६ रोजी राज्यव्यापी आंदोलन करण्याचा इशारा दिलेला असून तसे नोटीस राज्य सरकारला दिलेले आहे आज रोजी जिल्हा मुख्यालय ओरस येथे सभा संपन्न झाली. सभेला विविध संवर्गातील संघटना प्रतिनिधी उपस्थित होते.

खूप दिवसानंतर माजी जिल्हाध्यक्ष पी. व्ही. ठाकूर साहेब आणि जिल्हा सरचिटणीस चंद्रशेखर उपरकर तसेच सर्व सन्मा.सखाराम सकपाळ,श्री. राजन वालावलकर, श्री.प्रवीण पाताडे,श्री.सचिन माने व श्रीमती.गवंडी प्रणया मॅडम , प्रांजली परब इत्यादि प्रमुख पदाधिकारी उपस्थित होते. त्यांनी संघटनात्मक मौलिक विचार मांडले.

राज्य शासन कर्मचाऱ्यांच्या प्रश्ना संदर्भात सकारात्मकता दाखवत नाही. दिलेली आश्वासने पाळत नाही. त्यामुळे कर्मचाऱ्यांच्या मनामध्ये तीव्र संताप आहे. तो संताप व्यक्त करण्यासाठी रस्त्यावरची लढाई खूप महत्वाची आहे.आणि त्याच साठी सर्व संवर्गातील कर्मचाऱ्यांनी या संपात मोठ्या ताकतीने उभे राहणे गरजेचे आहे.

प्रत्येक संघटनेच्या जिल्हास्तरीय व तालुकास्तरीय प्रमुख पदाधिकाऱ्यांनी आपल्या राज्य नेतृत्वाकडे ठामपणे पाठपुरावा करून, आवश्यक तेथे दबाव निर्माण करून, बेमुदत संपाचा निर्णय तातडीने जाहीर करण्यासाठी आवाज उठवावा. जिल्हा,तालुका स्तरावर बैठका आयोजित कराव्यात.प्रसार प्रचार करावा.

ही लढाई आरपारची लढाई आहे. त्यामुळे कोण नेतृत्व करते, कोण पुढे आहे, यापेक्षा सर्व कर्मचारी, शिक्षक व शिक्षकेतर बांधवांच्या सामूहिक हिताला प्राधान्य देणे गरजेचे आहे.यासाठी २१ एप्रिलचा बेमुदत संप यशस्वी करा असे आवाहन करण्यात येत आहे.राजन कोरगांवकर जिल्हा अध्यक्ष,सत्यवान माळवे जिल्हा सरचिटणीस,राज्य सरकारी निमसरकारी शिक्षक शिक्षकेतर कर्मचारी संघटना समन्वय समिती सिंधुदुर्ग.