🛑अनधिकृत माती उत्खनन थांबवा जि. प. सदस्य रुपेश पावसकर यांची जिल्हाधिकारी यांच्याकडे मागणी..

✒️लोकसंवाद /- ओरोस.

कुडाळ तालुक्यातील वालावल राऊळवाडी चेंदवण ठुमरेवाडी कवठी बंदरवाडी ही तिन्ही गावे खाडी किनाऱ्यालगत असून या गावातील काही आसामी मोठ्या प्रमाणावर अनधिकृत माती उत्खनन करून बाहेर मातीची विक्री केली जात आहे. यावर महसूल प्रशासन पूर्णतः दुर्लक्ष करत आहे.अशीच परिस्थिती चालू राहिली तर वालावल,चेंदवन,कवठी ही तिन्ही गावे “माळीण” गावासारखी गडप होऊ शकतात त्यामुळे या बाबीकडे गांभीर्याने लक्ष देणे आवश्यक आहे.अनधिकृत माती उत्खनन थांबविण्यासाठी आणि संबंधितावर कारवाई करावी,अशी मागणी जि. प. सदस्य श्री.रुपेश अ.पावसकर यांनी सिंधुदुर्ग मा.जिल्हाधिकारी यांच्याकडे लेखी पत्राद्वारे निवेदन देत मागणी केली आहे.