🛑अखिल भारतीय डिजिटल मीडिया संपादक पत्रकार संघाच्या कोकणविभाग अध्यक्षपदी ‘सत्यार्थ महाराष्ट्र न्यूज’चे मुख्य संपादक प्रा.रूपेश पाटील यांची निवड..

✒️लोकसंवाद /- सावंतवाडी.

अखिल भारतीय डिजिटल मीडिया संपादक पत्रकार संघ या संघटनेच्या कोकण विभाग अध्यक्षपदी ज्येष्ठ पत्रकार तथा ‘सत्यार्थ महाराष्ट्र न्यूज’चे मुख्य संपादक प्रा. रूपेश पाटील यांच्या नावाची घोषणा संघटनेचे प्रदेशाध्यक्ष राजा माने यांनी सावंतवाडी येथील शासकीय विश्रामगृहावर आयोजित कार्यक्रमात केली.

प्रदेशाध्यक्ष पदाची निवड झाल्यानंतर प्रथमच सावंतवाडीत आगमन झाल्याने राजा माने यांचा शाल, श्रीफळ व पुष्पगुच्छ देऊन सत्कार करण्यात आला. यावेळी राष्ट्रीय सचिव तेजस राऊत, राज्य उपाध्यक्ष सागर चव्हाण, राज्य संघटक सिताराम गावडे यांसह अन्य उपस्थित होते. यावेळी संघटनेच्या विविध पदाधिकाऱ्यांच्या नावांचीही घोषणा करण्यात आली.

या घोषणेनुसार, कोकण विभाग अध्यक्षपदी प्रा. रुपेश पाटील, कोकण विभाग संघटक पदी ज्येष्ठ पत्रकार राजेश नाईक, जिल्हाध्यक्षपदी भरत केसरकर, जिल्हा संघटकपदी आनंद धोंड, सावंतवाडी तालुका अध्यक्षपदी सिद्धेश सावंत यांची निवड जाहीर करण्यात आली.

या नियुक्त्यांमुळे कोकणातील डिजिटल पत्रकारितेला अधिक बळ मिळणार असल्याची भावना उपस्थितांकडून व्यक्त करण्यात आली.