🛑राणी लक्ष्मीबाई कन्याशाळेत शिवजन्मोत्सव मोठ्या दिमाखात साजरा.

✒️लोकसंवाद /- वेंगुर्ला.

गुरुवार दिनांक 19 फेब्रुवारी 2026 रोजी राणी लक्ष्मीबाई कन्याशाळेत शिवजयंतीचे औचित्य साधून शिवजन्मोत्सव सोहळा साजरा करण्यात आला.शाळेतील सर्व विद्यार्थ्यांनी विविध वेशभूषा करून या कार्यक्रमात सहभाग घेतला.यावेळी ‘झुलवा पाळणा बाळ शिवाजीचा’ यावर मुलींनी नृत्य सादर केले.सर्व विद्यार्थ्यांनी ‘हे शिवसुंदर समरशालिनी ‘ समूहगीत सादर केले. माता पालकांनी बालशिवाजीचे पाळणं जोजावून कार्यक्रमाला चार चांद लावले.छोटा तेजस गावडे बालशिवाजीच्या भूमिकेत गोड दिसत होता.हा कार्यक्रम यशस्वी करण्यासाठी सर्व शिक्षक,शा.व्य.समिती अध्यक्ष, सर्व विद्यार्थी, पालक, अंगणवाडीचे छोटे विद्यार्थी, अंगणवाडी कर्मचारी आणि पालक यांनी सहकार्य केले.