🛑सावंतवाडी नगरपालिकेच्या आरोग्य सभापतीपदी सुधीर आडीवरेकर.

✒️लोकसंवाद /- सावंतवाडी.

सावंतवाडी नगरपालिकेच्या आरोग्य सभापतीपदी सुधीर आडीवरेकर यांची निवड झाली असून
शिवसेना, काँग्रेस, उबाठाच्या नगरसेवकांना सदस्यपदी संधी मिळाली आहे.तसेच समाजकल्याण व ज्येष्ठ नागरिक कल्याण सभापतीपदी उपनगराध्यक्ष अॅड अनिल निरवडेकर, नियोजन जलनिःसारण व पर्यावरण समिती सभापतीपदी आनंद नेवगी, पाणी पुरवठा समिती सभापतीपदी प्रतिक बांदेकर, महिला व बालकल्याण समिती सभापतीपदी दिपाली भालेकर, उद्यान व पर्यटन समिती सभापतीपदी मोहीनी मडगावकर यांची निवड करण्यात आली. तर महिला बालकल्याण उपसभापती पदी सुनिता पेडणेकर यांना संधी देण्यात आली आहे. तसेच भाजपसह शिवसेना, कॉग्रेस व उबाठा शिवसेनेच्या नगरसेवकांना समितीत सदस्य म्हणून निवड करण्यात आली. स्थायी समिती सभापती पदसिद्ध सभापती नगराध्यक्षा युवराज्ञी श्रद्धाराजे भोंसले, सदस्य म्हणून उपनगराध्यक्ष अॅड अनिल निरवडेकर, सदस्य म्हणून नगरसेवक आनंद नेवगी, सुधीर आडिवरेकर, प्रतिक बांदेकर, दिपाली भालेकर, मोहीनी मडगावकर यांची नियुक्ती करण्यात आली आहे. शिवसेनेच्या बाबु कुडतरकर, अजय गोंदावळे, देव्या सुर्याजी, स्नेहा नाईक, अॅड. सायली दुभाषी, शर्वरी धारगळकर, अॅड. निता सावंत-कविटकर यांचा समितीच्या सदस्यांमध्ये समावेश करण्यात आला आहे. तसेच कॉग्रेसचे तौकीर शेख व उबाठा शिवसेनेचे देवा टेमकर यांनाही विषय समिती सदस्यपदी संधी देण्यात आली आहे.