🛑अक्षता गावडे, मानसी भोगावकर यांच्या प्रचाराचा चौके भराडी देवी मंदिरात श्रीफळ वाढवून शुभारंभ.

◼️वायरी भुतनाथ जिल्हा परिषद,चौके पंचायत समितीत महायुतीच्या उमेदवारांना विजयी करण्याचा व्यक्त करण्यात आला निर्धार.

✍️लोकसंवाद /- चौके.

वायरी भूतनाथ जिल्हा परिषद सदस्य पदाचे शिवसेना भाजपा महायुती पुरस्कृत अपक्ष उमेदवार सौ. अक्षता राजन गावडे तसेच पंचायत समिती चौके शिवसेना पक्षाचे उमेदवार सौ. मानसी भोगावकर यांच्या प्रचाराचा शुभारंभ चौके गावाची ग्रामदेवता श्री भराडी देवी मंदिर येथे श्रीफळ वाढवून मोठ्या उत्साहात करण्यात आला.

यावेळी चौके पंचक्रोशी सह कुंभारमाठ, कर्लाचाव्हाळ आनंदव्हाळ, नांदरुख, देवली, घुमडे येथील ग्रामस्थ मोठया संख्येने उपस्थित होते.

◼️45 वर्षांनी मिळालेल्या संधीचे सोने करण्याचा चौके ग्रामस्थांचा निर्धार.

यापूर्वी जवळपास 45 वर्षांपूर्वी रत्नागिरी सिंधुदुर्ग जिल्हा एकत्र असताना पंचक्रोशीतील आंबेरी गावातून कृष्णा करलकर हे जनतादल पक्षातून जिल्हा परिषद सदस्य म्हणून निवडून आले होते. त्यांना अवघे 2 वर्षे कार्यकाल मिळाला होता. त्यानंतर स्विकृत सदस्य म्हणून सुरेश चौकेकर यांनी काही काळ काम केले होते. त्यानंतर गेली बरीच वर्षे या भागातून जिल्हापरिषद उमेदवारी मिळाली नहोती. यावेळी युवा डॅशिंग नेतृत्व शिवसेना माजी तालुका प्रमुख राजन गावडे यांच्या पत्नी अक्षता गावडे यांना निवडणूक रिंगणात उतरविले आहे. त्यांना शिवसेना भाजपा महायुतीचा पाठिंबा आहे.

खूप वर्षांनी चौके गावातून जिल्हा परिषद सदस्य होण्याची संधी मिळाली असल्याने चौके पंचक्रोशीतील सर्व ग्रामस्थ आपल्या हक्काच्या उमेदवाराला निवडून आणण्यासाठी प्रयत्नशील आहेत. चौके ग्रामदेवता आई भराडी देवीच्या आशीर्वादाने शिवसेना भाजप पुरस्कृत अपक्ष उमेदवार अक्षता राजन गावडे तसेच चौके पंचायत समिती सदस्य म्हणून शिवसेना पक्षाचे उमेदवार मानसी भोगावकर यांना मोठ्या मताधिक्याने निवडून आणण्याचा निर्धार या मतदार संघातील ग्रामस्थांनी केला आहे.

यावेळी माजी शिवसेना तालुका अध्यक्ष राजन गावडे चौके गावचे माजी सरपंच सुरेश चौकेकर, मधुकर चौकेकर, भाजपचे विभागीय अध्यक्ष सचिन आंबेरकर, माजी पंचायत समिती उपसभापती मधुकर चव्हाण, कुंभारमाठ माजी सरपंच श्री भोगावकर देवली गावचे उपसरपंच हेमंत चव्हाण श्यामसुंदर मेस्त्री, ज्येष्ठ ग्रामस्थ सदाशिव गावडे गुरुजी,,रमाकांत गावडे, दिगंबर गावडे, मंगेश पात्रे यांच्यासह वायरी भुतनाथ जिल्हा परिषद मतदारसंघातील ग्रामस्थ मोठ्या संख्येने उपस्थित होते. यावेळी ग्रामस्थांनी या मतदारसंघातून दोन्ही उमेदवारांना मोठ्या मताधिक्याने विजयी करणार असल्याचा निर्धार व्यक्त केला.