🛑इन्सुली तपासणी नाक्यावर 20 लाखाची गोवा बनावटी दारू जप्त.;गाड्यांसह तिघांना अटक.

🖋️लोकसंवाद /- बांदा.

सिंधुदुर्ग जिल्ह्यातील इन्सुली तपासणी नाक्यावर राज्य उत्पादन शुल्क विभागाने मोठी कारवाई करत गोव्याहून येणारा २० लाख ५९ हजार रुपयांचा मुद्देमाल जप्त केला आहे.गुरुवारी दिवसभरात तीन वेगवेगळ्या कारवायांमध्ये पथकाने विदेशी मद्याच्या १०८६ बाटल्या आणि तस्करीसाठी वापरल्या जाणाऱ्या अल्काझार, सँट्रो व इनोव्हा या तीन गाड्या ताब्यात घेतल्या. या प्रकरणी कोल्हापूर आणि सांगली जिल्ह्यातील तीन चालकांविरुद्ध महाराष्ट्र दारूबंदी कायद्यानुसार गुन्हा दाखल करण्यात आला आहे. यामध्ये संकेत प्रकाश वीर (रा. गारगोटी), अनिल माणिकराव खेरमोडे (रा. सांगली) आणि गणेश शंकर भास्कर (रा. कोल्हापूर) यांना ताब्यात घेण्यात आले. राज्य उत्पादन शुल्क विभागाच्या वरिष्ठ अधिकाऱ्यांच्या मार्गदर्शनाखाली दुय्यम निरीक्षक धनंजय साळुंखे आणि त्यांच्या पथकाने ही यशस्वी कारवाई केली.