🛑दहावीत शिकणाऱ्या विद्यार्थ्याची गळफास घेत आत्महत्या.

🖋️लोकसंवाद /- सावंतवाडी.

सावंतवाडी शहरातील जुनाबाजार कामत नगर येथे दहावी इयत्तेत शिकणाऱ्या एका विद्यार्थ्याने गळफास घेत आत्महत्या केली.जतिन उर्फ जय प्रशांत राऊळ (वय १६) असं त्याच नाव असून आत्महत्ये मागचे नेमके कारण समजू शकले नाही. सावंतवाडी पोलिस याबाबत अधिक तपास करत आहेत.मुळ नेमळे-फौजदारवाडी येथील हे कुटुंब शहरात राहत होतं.कामत नगर येथील इमारत रिडेव्हलपमेंटला काढल्यान ही इमारत बंद होती.आज त्याने या खोलीत जात आत्महत्या केली. मागील दरवाजाने आत जात त्याने हे टोकाचे पाऊल उचलले.सायंकाळपर्यंत घरी न परतल्यान घरच्यांनी शोधाशोध सुरू केली. यावेळी कामत नगर येथील खोली बंद अवस्थेत दिसली. यावेळी खिडकी उघडून पाहिले असता त्याने गळफास घेतल्याचे उघडकीस आल्याची माहिती सावंतवाडी पोलिसांनी दिली.पोलिस निरीक्षक अमोल चव्हाण यांच्या उपस्थितीत पंचनामा करत मृतदेह पुढील सोपस्कारासाठी रूग्णालयात नेण्यात आला.जतिन राऊळ हा हुशार विद्यार्थी होता. तसेच क्रिडा क्षेत्रात देखील तो अग्रेसर होता. तो उत्कृष्ट कबड्डीपटू होता. त्यामळे त्याने आत्महत्येच टोकाचं पाऊल का उचलले हे समजू शकलेले नाही. पोलिस याबाबत अधिक तपास करत आहे. त्याच्या या टोकाच्या पाऊलामुळे राऊळ कुटूंबावर दुःखाचा डोंगर कोसळला आहे.