🛑अवैध वृक्षतोडीवर वनविभागाची धडक कारवाई.

🖋️लोकसंवाद /- कुडाळ.

दिनांक 11.01.2026 रोजी मिळालेल्या गोपनीय माहितीनुसार वनपाल नेरुर त.हवेली व अधिनस्त कर्मचारी यांचेसमवेत मौजे मिटक्याचीवाडी येथील निर्णित वनसर्वे क्रमांक 94/1 मध्ये जाऊन तपासणी केली असताअवैध वृक्षतोड दिसून आली.घटनास्थळी प्रकाश शंकर तावडे,रा.मिटक्यावीवाडी, ता.कुडाळ हे त्यांचेकडील मजूर कार्तिक रामा नाईक, संदिप विष्णू नाईक, रामा सिध्दा नाईक, तुकाराम गोविंद नाईक व रा.सर्व चौकुळ-केगदवाडी, ता. सावंतवाडी यांचेकरवी वृक्षतोड करताना आढळून आले.वनगुन्हयात वापरलेला पाळ कोयता-०१,हात कोयता-०२ व लाकूड कटर मशिन-०२ ताब्यात घेऊन जप्त करणेत आली.याबाबत वनरक्षक नेरुर त. हवेली यांनी प्रथम रिपोर्ट क्रमांक 01/2026 नुसार गुन्हा नोंदविला.त्यास वनपाल नेरुर त. हवेली रा.गु.क्रमांक सी 01/2026 देण्यात आला. आरोपी क्रमांक 1 ते 5 यांनी मौजे मिटक्याचीवाडी निर्णित वनसर्वे क्रमांक 94/1 मध्ये अपप्रवेश करुन 107 झाडांची तोड करुन त्यापासून इमारती व जळावू लाकूड माल तयार केल्याच्या गुन्हयाची कबुली दिल्याने पंचासमक्ष अटक करणेत आली.प्रकरणी शासकिय नुकसानी रुपये 62266/- एवढी झालेली आहे.सदर आरोपींना मे. न्यायदंडाधिकारी वर्ग-01 कुडाळ यांचे कोर्टात हजर केले असता, मा.न्यायालयाने आरोपी क्र. 1 ते 5 यांचा सशर्त जामीन मंजूर करणेत आला.

वनपरिक्षेत्र अधिकारी कुडाळ श्री.संदिप कुंभार म्हणाले की,शासकिय वनात अपप्रवेश करणे,अवैध वृक्षतोड करणे तसेच अवैध वाहतुक करणे, भारतीय वनअधिनियम 1927 अन्वये प्रतिबंधित केले असून, त्याचे उल्लंघनाकरिता 2 वर्ष पर्यंतच्या कारावासाची तसेच द्रव्य दंडाची तरतुद करणेत आलेली आहे.

सदर कारवाई ही श्री. मिलिश दत्त शर्मा, उप-वनसंरक्षक (प्रा) सावंतवाडी, श्री. सुनिल लाड, सहाय्यक वनसंरक्षक (खाकुतो व वन्यजीव) सावंतवाडी यांचे मार्गदर्शनाखाली वनपरिक्षेत्र अधिकारी श्री. संदिप कुंभार तसेच श्री. सुर्यकांत सावंत वनपाल नेरुर त. हवेली, श्री. सावळा कांबळे वनपाल मठ, श्री. सचिन पाटील वनरक्षक नेरुर त. हवेली, श्री. प्रसाद पाटील वनरक्षक आकेरी, श्री. यशवंत कदम वनमजूर कुडाळ यांनी यशस्वी केली.