🛑आरोपींची जामिनावर मुक्तता ॲड.विवेक मांडकुलकर यांचा युक्तिवाद.

🖋️लोकसंवाद /- कुडाळ.

शासकीय वनक्षेत्रात घुसून विकण्याच्या हेतूने बेकायदेशीर वृक्षतोड केल्या प्रकरणी दि.१२/०१/२०२६ रोजी ५ आरोपींची कुडाळ येथील मे.न्यायाधीश यांनी आरोपींची जामिनावर मुक्तता केली.आरोपीच्या वतीने ॲड. विवेक भालचंद्र मांडकुलकर यांनी केलेला युक्तिवाद ग्राह्य मानून जामिनावर मुक्तता केली तसेच ॲड.प्रणाली मोरे, ॲड. विनय मांडकुलकर, ॲड. वृषांग जाधव, ॲड.सुयश गवंडे यांनी काम पाहिले.
१) वनक्षेत्रपाल कुडाळ रा. गुन्हा क्र. सी ०१/२०२६ चे कामी आरोपी यांच्यावर भारतीय वन अधिनियम १९२७ चे कलम २६(१), ( ए, डी, एफ) अन्वये गुन्हा दाखल झालेला असून आरोपी याला दिनांक ११/०१/२०२६ रोजी अटक करण्यात आली.
२) आरोपी यांना दिनांक ११/०१/२०२६ रोजी अटक करून दिनांक १२/०१/२०२६ रोजी रिमांड रिपोर्ट समवेत कुडाळ मे. न्यायालयात उपस्थित केले. आरोपी यांची वनक्षेत्रफळ कुडाळ यांनी दोन दिवसांची वन कोठडी मागितली असून आरोपी यांची कुडाळ मे. न्यायालयाने वन कोठडी नाकारून आरोपी यांना न्यायालयीन कोठडीत घेण्याचा आदेश केला. आरोपींतर्फे वकिलांनी दिनांक १२/०१/२०२६ कुडाळ मे. न्यायालयात जामीन अर्ज दाखल केला त्या जामीन अर्जावर ॲड. विवेक भालचंद्र मांडकुलकर यांनी केलेला युक्तिवाद ग्राह्य मानून कुडाळ मे. न्यायधीशांनी दिनांक १२/०१/२०२६ रोजी प्रत्येकी २५,००० रुपये किमतीच्या जामिनाच्या आदेशावर मुक्तता केली.
२) सदर गुन्ह्याच्या कामी फिर्यादीची हकीकत अशी कि, सदर दि. ११/०१/२०२६ रोजी मिळालेल्या गोपनीय माहितीनुसार वनपाल नेरुर त. हवेली व अधिनस्त कर्मचारी यांचेसमवेत मौजे मिटक्याचीवाडी येथील निर्णित वनसर्वे क्रमांक 94/1 मध्ये जाऊन तपासणी केली असता, अवैध वृक्षतोड दिसून आली. घटनास्थळी प्रकाश शंकर तावडे, रा. मिटक्यावीवाडी, ता. कुडाळ हे त्यांचेकडील मजूर कार्तिक रामा नाईक, संदिप विष्णू नाईक, रामा सिध्दा नाईक, तुकाराम गोविंद नाईक व रा. सर्व चौकुळ-केगदवाडी, ता. सावंतवाडी आढळून आले. त्यापैकी प्रकाश शंकर तावडे यांचेकडे झाडतोडी बाबत विचारणा केली असता, त्यांनी सदरची वृक्षतोड ही आपले मालकीचे सर्वे नंबर 95 मध्ये केल्याचे सांगितले. तथापी वनकर्मचारी यांनी सदर क्षेत्राच्या हद्दीखुणा दाखवून सदरची वृक्षतोड ही मौजे मिटक्याचीवाडी निर्णीत वनसर्वे क्रमांक 94/1 मध्ये झाल्याचे सांगितले. नंतर 2 पंचासमक्ष वृक्षतोडीची पाहाणी करुन बुढांची मोजमापे घेऊन त्यापासून तयार झालेल्या इमारती व जळावू लाकूड मालाची मोजमापे घेऊन पंचनामा व जप्तीनामा नोंदविणेत आला. तसेच वनपाल नेरुर त. हवेली यांचेसमक्ष आरोपी क्रमांक 1 ते 5 यांचे जबाब नोंदविणेत आले. त्यानंतर वनगुन्हयात वापरलेला पाळ कोयता-०१, हात कोयता-०२ व लाकूड कटर मशिन-०२ ताब्यात घेऊन जप्त करणेत आली. याबाबत वनरक्षक ने र त. हवेली यांनी प्रथम रिपोर्ट क्रमांक 01/2026 नुसार गुन्हा नोंदविला. त्यास वनपाल ने र त. हवेली रा. गुक्रमांक सी 01/2026 देण्यात आला.
आरोपींच्या वतीने वकिलांनी दिनांक १२/०१/२०२६ रोही जामीन अर्ज कुडाळ येथील मे.न्यायालयात दाखल करून त्याच दिवशी त्याची सुनावणी झाली. मे.न्यायालया समोर झालेला युक्तिवाद मे. न्यायालयाने ग्राह्य मानून व दाखल केलेल्या कागदपत्रांचा विचार करून आरोपीला योग्य ते अटी-शर्तीवर व रक्कम रु.२५,०००/- हजार रक्कमेच्या जामिनावर मुक्तता करण्यात आली. आरोपीच्या वतीने ॲड. विवेक मांडकुलकर, ॲड. प्रणाली मोरे, ॲड. विनय मांडकुलकर, ॲड. वृषांग जाधव, व ॲड. सुयश गवंडे यांनी काम पाहिले.