🛑श्री कलेश्वर विद्यामंदिर नेरूर प्रायमरी स्कूल निर्मित कलारंग उत्सव वार्षिक स्नेहसंमेलन उत्साहात संपन्न.

🖋️लोकसंवाद /- कुडाळ.

श्री कलेश्वर विद्यामंदिर नेरूर प्रायमरी स्कूल निर्मित कलारंग उत्सव 2025 (वार्षिक स्नेहसंमेलन २०२५-२६) ०१ जानेवारी २०२६ रोजी सायंकाळी 5:30 वाजता नेरूर येथील कलेश्वर विद्यामंदिर पटांगण येथे संपन्न झाला या कार्यक्रमात दशावतार नाटक तुळशी विवाह रंगमंचावर वटवृक्ष पूजन रामजन्म व संपूर्ण रामायण कोकणातील प्रसिद्ध शिग्मोत्सव देवतरंग पालखीसहित शिवलग्न सोहळा असे विविध कार्यक्रम पार पडले. या कार्यक्रमात शालेय विद्यार्थ्यांनी मोठ्या प्रमाणावर सहभाग घेऊन कार्यक्रम भरगच्च केला.कलारंग उत्सव या कार्यक्रमात प्रशाळेतील विद्यार्थ्यांनी ईशस्तवन व स्वागत गीताने शुभारंभ केला. तद्नंतर प्रमुख पाहुणे सामाजिक कार्यकर्ते उद्योजक श्री.रुपेश पावसकर तसेच उपस्थित मान्यवरांच्या शुभहस्ते दीपप्रज्वलन करण्यात आले.या वार्षिक स्नेहसंमेलनाचे श्रीफळ वाढवून उद्घाटन देवस्थान कमिटी उपसमिती अध्यक्ष श्री चारुदत्त देसाई यांच्या शुभहस्ते करण्यात आले. या कार्यक्रमात मार्गदर्शन करताना माननीय श्री.चारुदत्त देसाई यांनी प्रशाळेसाठी लागणारे आर्थिक सामाजिक राजकीय कोणतेही सहकार्य लाभल्यास ते आपण करण्यास कटिबद्ध असल्याबाबतची ग्वाही दिली त्याचप्रमाणे प्रशालेतील शिक्षक वर्ग व विद्यार्थी यांचे कार्यक्रम नियोजन बद्दल राबविल्याबाबत कौतुक केले या कार्यक्रमात सामाजिक कार्यकर्ते रुपेश पावसकर यांनी मार्गदर्शन करताना नेरुर गाव हा कलेचा देव कलेश्वर यांचाच असल्याने येथे प्रत्येक कलाकार घडत असतो परंतु याच प्रशालेच्या माध्यमातून आयएएस आयपीएस विद्यार्थी शिक्षकांनी घडवावेत.आणि नेरूर गावचे नाव राज्यभर व्हावे असे आपल्या मार्गदर्शनपर भाषणात सांगून विद्यार्थ्यांना संबोधित केले. या स्नेहसंमेलनाच्या निमित्ताने पहिली ते दहावीपर्यंतच्या विद्यार्थ्यांचा सन्मानचिन्ह व बक्षीस देऊन सत्कार करण्यात आला.या कार्यक्रमाचे मूळ अध्यक्ष कमलाकर शांताराम नाईक नेरुर ग्रामसेवा मंडळ मुंबई हे अनुपस्थित राहिल्याने श्री.प्रदीप नाईक शाळा समिती चेअरमन यांनी या कार्यक्रमाचे अध्यक्ष पद भूषविले या कार्यक्रमासाठी प्रमुख पाहुणे म्हणून श्री देव कलेश्वर देवस्थान उपसमिती नेरूरचे अध्यक्ष माननीय श्री. चारुदत्त देसाई,सामाजिक कार्यकर्ते श्री.रुपेश पावसकर, वसुंधरा ट्रस्ट कार्यवाह माननीय श्री.सतीश नाईक,नेरूर गावच्या प्रथम नागरिक सरपंच माननीय सौ.भक्ती घाडीगांवकर,तंटामुक्ती अध्यक्ष श्री.संतोष चव्हाण, श्री.शिवराम देसाई माजी विद्यार्थी,श्री.विनायक नाईक सामाजिक कार्यकर्ते, सिद्धेश कलिंगण,माजी विद्यार्थी श्री.विजय सावंत, नेरुर ग्रामसेवक मंडळ मुंबई सेक्रेटरी, श्री.अनिल नाईक नेरूर ग्रामसेवक मंडळ मुंबई खजिनदार या कार्यक्रमासाठी विशेष मेहनत मुख्याध्यापिका सौ सुनीती नाईक या कार्यक्रमाचे सूत्रसंचालन प्रशालेचे सांस्कृतिक प्रमुख शिक्षक शिवदास कुमार मसगे यांनी केले.या कार्यक्रमाचा आस्वाद घेण्यासाठी प्रेक्षकांनी मोठ्या प्रमाणावर गर्दी केली होती.