🛑पिंगुळीत महिलेचे मंगळसूत्र खेचण्याचा प्रयत्न फसला.;ग्रामस्थांकडून चोप.

🖋️लोकसंवाद /- कुडाळ.

कुडाळ तालुक्यात पिंगुळी येथे एका महिलेच्या गळ्यातील सोन्याचे मंगळसूत्र खेचून पलायन करणाऱ्या परजिल्ह्यातील दोघांना स्थानिक ग्रामस्थांनी पकडले त्या नंतर त्यांना चांगला चोप देत कुडाळ पोलिसांच्या ताब्यात दिले आहे.हि घटना गुरुवारी 25 डिसेंबर रोजी दुपारच्या दरम्याने घडली.

पिंगुळी भूपकरवाडी नजिक रस्त्याने चालणा-या एकाला महिलेला मोटरसायकल वरून आलेल्या दोन जणांनी ओळखीचा बहाणा करीत तिला परिसरातील लोकांच्या नावांची ओळख सांगण्याचा प्रयत्न केला.त्याचदरम्यान मोटरसायकल वरील एकाने त्या महिलेच्या गळ्यातील मंगळसूत्र खेचण्याचा प्रयत्न केला.मात्र त्या महिलेने प्रसंगावधान दाखवल्याने अनर्थ टळला.त्यानंतर ते दोघेही इसम मोटारसायकलने पळून गेले.याबाबतची माहीती मिळताच ग्रामस्थांनी त्यांना पकडले.त्यानंतर त्यांना कुडाळ पोलिसांच्या ताब्यात दिले.