🛑बांदा सटमटवाडी येथे अवैधरित्या परराज्यातील मद्याची वाहतुक करताना 11लाख 68 हजाराचा मुद्देमाल जप्त.

◼️राज्य उत्पादन शुल्क विभागाची कारवाई..

🖋️लोकसंवाद /- बांदा.

राज्य उत्पादन शुल्क तपासणी नाका इन्सुली ता.सावंतवाडी,जि.सिंधुदुर्ग पथकाने गोवा-मुंबई राष्ट्रीय महामार्ग क्र. 66 वर, हॉटेल विवा क्लासिकच्या समोर, सटमटवाडी, बांदा, ता. सावंतवाडी, जि. सिंधुदुर्ग येथे अवैधरित्या परराज्यातील मद्याची वाहतुक करताना चारचाकी वाहनासह अंदाजे.11,68,600/-रु. किंमतीचा मुद्देमाल जप्त केला.

मा.श्री. डॉ. राजेश देशमुख साहेब, आयुक्त, राज्य उत्पादन शुल्क, महाराष्ट्र राज्य मुंबई, मा.श्री. प्रसाद सुर्वे साहेब सह आयुक्त, अंमलबजावणी व दक्षता राज्य उत्पादन शुल्क, महाराष्ट्र राज्य मुंबई, मा.श्री. विजय चिंचाळकर, विभागीय उपआयुक्त, राज्य उत्पादन शुल्क, कोल्हापूर विभाग कोल्हापूर, मा. श्रीमती. किर्ती शेडगे, अधीक्षक, राज्य उत्पादन शुल्क, सिंधुदुर्ग यांच्या मार्गदर्शनाखाली निरीक्षक, राज्य उत्पादन शुल्क, तपासणी नाका इन्सुली पथकाने मिळालेल्या गोपनीय बातमीनुसार गोवा-मुंबई राष्ट्रीय महामार्ग क्र 66 वर, हॉटेल विवा क्लासिकच्या समोर, सटमटवाडी, बांदा, ता. सावंतवाडी, जि. सिंधुदुर्ग येथे दि.23/12/2025 रोजी रात्री 20.30 वाजताचे सुमारास गोव्याहून बांद्याच्या दिशेने येणाऱ्या संशयीत वाहनांची तपासणी करीत असताना टाटा कंपनीचे पांढऱ्या रंगाचे इंट्रा चारचाकी मालवाहतूक वाहन क्र. MH-10-DT-5307 ची तपासणी केली असता सदर वाहनाच्या मागील हौद्या मध्ये बनवलेल्या चोर कप्प्या मध्ये तसेच सिमेंटच्या विटांखाली लपवून ठेवलेले गोवा बनावटी विदेशी मद्याचे विविध ब्रॅन्डचे 36 बॉक्स इतका अवैध मद्यसाठा मिळून आला. सदर प्रकरणी वाहन चालक नामे-प्रविण महावीर बोराडे, वय 30 वर्षे, रा. बैरागवडी, ता. माढा, जि. सोलापूर यास मुद्देमालासह ताब्यात घेण्यात आले.सदर गुन्ह्यामध्ये अंदाजे रु. 3,68,600/- किंमतीचे मद्य व रु. 8,00,000/- किंमतीचे चारचाकी वाहन असा एकुण अंदाजे रु.11,68,600/- किंमतीचा मुद्देमाल जप्त करण्यात आला असून महाराष्ट्र दारुबंदी कायदा 1949 अंतर्गत गुन्हा नोंदविण्यात आला.

सदर कारवाई श्री. धंनजय साळुंखे,दुय्यम निरीक्षक, श्री. विवेक कदम, दुय्यम निरीक्षक, श्री. रणजीत शिंदे, जवान नि. वाहन चालक, श्री. दिपक वायदंडे, जवान, श्री. सागर सुर्यवंशी, जवान, श्री. अभिषेक खत्री जवान, श्री. सतिश चौगुले, जवान यांनी केली.सदर प्रकरणी पुढील तपास श्री.धंनजय साळुंखे, दुय्यम निरीक्षक तपासणी नाका इन्सुली हे करीत आहेत.