🛑 इन्सुली- सावंतवाडी रोडवर गोवा बनावटी दारुसह ८ लाख ५० हजाराचा मुद्देमाल जप्त..

◼️राज्य उत्पादन शुल्क विभागची कारवाई.

🖋️लोकसंवाद /- बांदा.

राज्य उत्पादन शुल्क तपासणी नाका इन्सुली, ता. सावंतवाडी, जि. सिंधुदुर्ग पथकाने इन्सुली-सावंतवाडी रस्त्यावर, दत्त मंदीराच्या मागील बाजूस 400 मीटर अंतरावर, इन्सुली, ता. सावंतवाडी, जि. सिंधुदुर्ग येथे अवैधरित्या परराज्यातील मद्याची वाहतुक करतांना चारचाकी वाहनासह अंदाजे 8,49,320/- रु. किंमतीचा मुद्देमाल जप्त केला.

मा.श्री.डॉ. राजेश देशमुख साहेब, आयुक्त, राज्य उत्पादन शुल्क, महाराष्ट्र राज्य मुंबई, मा.श्री. प्रसाद सुर्वे साहेब सह आयुक्त, अंमलबजावणी व दक्षता, राज्य उत्पादन शुल्क, महाराष्ट्र राज्य मुंबई, मा.श्री. विजय चिंचाळकर, विभागीय उपआयुक्त, राज्य उत्पादन शुल्क, कोल्हापूर विभाग कोल्हापूर, मा. श्रीमती. किर्ती शेडगे, अधीक्षक, राज्य उत्पादन शुल्क, सिंधुदुर्ग यांच्या मार्गदर्शनाखाली निरीक्षक, राज्य उत्पादन शुल्क, तपासणी नाका इन्सुली पथकाने मिळालेल्या गोपनीय बातमीनुसार दि.18/12/2025 रोजी 06.00 वा. चे सुमारास दोन पंच व ऑफिस स्टाफसह तपासणी नाका इन्सुली समोरील राष्ट्रीय महामार्ग क्र.66 वर परराज्यातील अवैध मद्य वाहतुकीच्या संशयित वाहनांची तपासणी करीत असताना दि.18/12/2025 रोजी सकाळी 08.00 वाजताच्या सुमारास गोव्याहुन येणाऱ्या संशयित वाहनांची तपासणी करीत असताना मिळालेल्या बातमीप्रमाणे नंबर असलेले एक पांढऱ्या रंगाचे महिंद्रा कंपनीचे कॅम्पर मालवाहु चारचाकी वाहन क्र. MH-08-W-1856 यास 08:00 वा.च्या सुमारास तपासणी नाक्यावर तपासणीकामी हाताचा व शिट्टीच्या आवाजाचा इशारा करून तपासणीकारीता थांबविले असता सदर वाहन तपासणी नाक्यावर न थांबता जोरदार वेगाने महामार्गावरुन सावंतवाडीच्या दिशेने गेले असता अधिक संशय बळावल्याने दोन पंच व ऑफिस स्टाफसह खाजगी वाहनाने जावून सदर वाहनाचा पाठलाग करून सदर वाहन इन्सुली-सावंतवाडी रस्त्यावर, दत्त मंदीराच्या मागील बाजूस 400 मीटर अंतरावर, इन्सुली, ता. सावंतवाडी, जि. सिंधुदुर्ग येथे थांबविले असता सदर वाहनाची तपासणी करीत असताना सदर वाहनाच्या पाठीमागील हौदयामध्ये भाजीच्या रिकाम्या कॅरेटच्या खाली लपवून ठेवलेले गोवा बनावटीच्या विदेशी मद्याच्या विविध बॅन्डचे 35 बॉक्स अवैध मद्यसाठा मिळून आला. सदर प्रकरणी मद्याचे मालक- तन्झिल सईद शेख, वय 27 वर्षे, रा. सावंतवाडी यास मुद्देमालासह ताब्यात घेण्यात आले. सदर गुन्ह्यामध्ये अं.रु.3,49,320/- किंमतीचे मद्य, रु.5,00,000/- किंमतीचे चारचाकी वाहन असा एकुण अं.रु.8,49,320/- किंमतीचा मुद्देमाल जप्त करण्यात आला असून महाराष्ट्र दारुबंदी कायदा 1949 अंतर्गत गुन्हा नोंदविण्यात आला.

सदर कारवाई श्री.विवेक कदम, दुय्यम निरीक्षक, श्री. धंनजय साळुंखे, दुय्यम निरीक्षक, श्री. रणजीत शिंदे, जवान नि. वाहन चालक, श्री. दिपक वायदंडे, जवान, श्री. सतिश चौगुले, जवान, श्री. अभिषेक खत्री जवान, श्री. सागर सुर्यवंशी, जवान यांनी केली.सदर प्रकरणी पुढील तपास श्री. विवेक कदम, दुय्यम निरीक्षक तपासणी नाका इन्सुली हे करीत आहेत.