🛑कुडाळ शहरातील ‘तो ‘ धोकादायक ‘गॅस चेंबर’ त्वरित हटवा शिवप्रेमींची नगराध्यक्षा प्राजक्ता शिलवलकर यांच्याकडे मागणी.

🖋️लोकसंवाद /- कुडाळ.

कुडाळ शहरातील मुख्य केंद्रबिंदू असलेल्या राजमाता जिजाऊ चौकातील धोकादायक स्थितीत असलेले गॅस चेंबर त्वरित हटवण्यात यावे, या मागणीसाठी शिवप्रेमी सिंधुदुर्ग संघटनेच्या वतीने कुडाळ नगरपंचायतीचे नगराध्यक्षा सौ. प्राजक्ता आनंद शिरवलकर (बांदेकर) यांना मंगळवारी दिनांक 16/12/2025 रोजी निवेदन देण्यात आले. या निवेदनाची दखल घेत नगराध्यक्षां यांनी संघटनेच्या पदाधिकाऱ्यांशी सविस्तर चर्चा केली. नागरिकांची सुरक्षा ही आमची प्राथमिकता असून, जिजाऊ चौकातील गॅस चेंबर तातडीने हटवण्यात येईल, असे आश्वासन देऊन, प्रशासनातील संबंधित अधिकारी यांना लवकरात लवकर जिजाऊ चौकातील गॅस चेंबर हटविण्यात यावा. अशी सूचना देण्यात आली.

यावेळी नगरसेवक सी. नयना मांजरेकर, स्विकृत नगरसेवक श्री. गणेश भोगटे, शिवप्रेमी सिंधुदुर्ग संघटनेचे पदाधिकारी व कार्यकर्ते सी. भावना वेळेकर, श्री. साईप्रसाद मसगे, श्री. किरण कुडाळकर आणि श्री. रमाकांत नाईक उपस्थित होते.