🛑पांग्रड शाळेचा माजी विद्यार्थी स्नेहमेळावा उत्साहात साजरा.

🖋️लोकसंवाद /- कुडाळ.

जिल्हा परिषद पूर्ण प्राथ शाळा पांग्रड न 1व. पांग्रड कुंभ्याचीवाडी शाळेचा पहिला माजी विद्यार्थी स्नेहमेळावा गावच्या प्रथम नागरिक सरपंच मान कावेरी चव्हाण यांच्या अध्यक्षतेखाली तसेच मान औदुंबर मर्गज, मान ज्ञानदेव सावंत , मान विठ्ठल उर्फ संजय सावंत, मान रवींद्र तावडे अध्यक्ष शाळा व्यवस्थापन समिती , उपाध्यक्ष मान रेश्मा मर्गज , माजी सरपंच सुनील मर्गज, मान अमोल मर्गज माजी सरपंच, मान रघुनाथ घाडी, मान अमोल पांग्रडकर शिक्षक श्री महेश कुंभार, श्री सचिन ठाकूर, श्री अजय फुंदे, श्रीम माथनकर मॅडम तसेच बहुसंख्य माजी विद्यार्थ्यांच्या उपस्थितीत पार पडला.

यावेळी शाळेच्या मुलांनी स्वागत गीत सादर करून मान्यवरांचे स्वागत केले.त्यानंतर मान औदुंबर मर्गज सरानी उपस्थित सर्वांना आपल्या नेहमीच्या ओघवत्या शैलीत शाळेचे समाजातील महत्व विशद केले. आणि शाळा, पालक व समाज यांनी शाळेच्या विकासात कसा हातभार लावला पाहिजे यावर अमूल्य मार्गदर्शन केले. तसेच समस्त पांग्रड ग्रामस्थांच्या वतीने शाळेला आणखी एक संगणक लवकरच देऊ असे आश्वासन दिले.
त्यानंतर समस्त पांग्रड ग्रामस्थांच्या वतीने शाळेला अद्ययावत संगणक प्रदान करण्यात आला. त्याचे उद्घाटन मान ज्ञानदेव सावंत यांच्या शुभहस्ते करण्यात आले.
त्यानंतर श्री कुंभार गुरुजी यांनी शाळेच्या प्रगतीबाबत माहिती दिली तसेच विविध स्पर्धा परीक्षेत मुलानी मिळवलेले यश, केंद्रस्तरिय क्रीडा स्पर्धेत मिळवलेले यश, शाळेच्या भविष्यातील उपक्रमांचा, तसेच शाळेल्या आवश्यक भौतिक गरजांची माहिती उपस्थिताना करून दिली. यावेळी बिटस्तरासाठी शाळेच्या समूहगीताची, कबड्डी , रिले संघाची निवड झाल्याबद्दल विशेष अभिनंदन करण्यात आले. त्यानंतर शासन आदेशानुसार माजी विद्यार्थी संघाची स्थापना करण्यात आली .
यावेळी माजी विद्यार्थी संघ अध्यक्ष म्हणून मान ज्ञानदेवजी सावंत यांची बहुमताने निवड करण्यात आली. उपाध्यक्ष म्हणून प्रवीणजी मर्गज, कोषाध्यक्ष म्हणून प्रकाशजी मर्गज
सल्लागार म्हणून मान औदुंबर मर्गज गुरूजी तसेच विठ्ठल उर्फ संजय सावंत यांची निवड करण्यात आली.
यावेळी नूतन अध्यक्ष यांनी शाळेला 50 प्लॅस्टिक च्या खुर्च्या देण्याचे आश्वासन दिले. संघात प्रत्येक वाडीतून सदस्य घेण्यात आले.सर्वांचे पुष्पगुच्छ देऊन स्वागत आणि अभिनंदन करण्यात आले.यावेळी मान्यवरांना अल्पोपहार देण्यात आला. अशाप्रकारे आनंदी उत्साही वातावरणात स्नेहमेळावा संपन्न झाला.आपल्या गावाच्या शाळेला सर्वतोपरी मदत करून शाळेचा सर्वांगीण विकास करून शाळेच्या विकासाठी सर्वजण अखंड कार्यरत राहू असे आश्वासन देत मेळावा संपन्न झाला. यावेळी बहुसंख्य माजी विद्यार्थी उपस्थित होते.यावेळी सूत्रसंचालन श्री महेश कुंभार मुख्याध्यापक, अहवाल वाचन पदवीधर शिक्षक अजय फुंदे यांनी तर आभार श्री सचिन ठाकूर मुख्याद्यापक पांग्रड कुंभ्याचीवाडी यांनी मानले.