🛑विशाल परब यांनी सपत्नीक घेतले कारिवडे-इन्सुलीच्या देवींचे दर्शन..

🖋️लोकसंवाद /- सावंतवाडी.

सावंतवाडी तालुक्यातील दोन जागृत देवस्थानांना भेट देऊन विशाल परब यांनी सपत्नीक दर्शन घेतले. कारिवडे येथील श्री देवी कालिका मातेच्या जत्रोत्सवानिमित्त आणि इन्सुली येथील श्री देवी माऊली पंचायत देवस्थान येथे त्यांनी विधिवत पूजा करत आशीर्वाद घेतले. यावेळी ग्रामस्थांच्या आणि परिसराच्या सुख-शांती, समृद्धी आणि विकासासाठी देवीला साकडे घातले. दोन्ही ठिकाणी ग्रामस्थांकडून विशाल परब आणि सौ. वेदिका परब यांचे स्वागत करण्यात आले. यावेळी आपल्या भावना व्यक्त करताना विशाल परब म्हणाले, “गावातील जत्रा आणि देवस्थाने ही आपली संस्कृती टिकवून ठेवण्याचे काम करतात. अशा पवित्र ठिकाणी नतमस्तक होऊन आत्मिक समाधान लाभले.” या धार्मिक भेटीमुळे परब कुटुंबाने आपली श्रद्धा आणि सामाजिक बांधिलकी व्यक्त केली आहे.