🛑सावंतवाडीतील राडा प्रकरणी शिवसेना -भाजपच्या १००पेक्षा जास्त कार्यकर्त्यांवर गुन्हे दाखल..

🖋️लोकसंवाद /- सावंतवाडी.

काल निवडणुकीचे मतदान अंतिम टप्प्यात आले असताना याच पार्श्वभूमीवर सावंतवाडी वनविभागा समोरील बूथ च्या ठिकाणी गाडी स्कॉर्पिओ गाडी अंगावर घातलेल्या कारणावरून सावंतवाडीत घडलेल्या राड्याप्रकरणी १०० हून अधिक जणांवर येथील पोलीस ठाण्यात गुन्हा दाखल करण्यात आलेला आहे.यात शिवसेनेचे जिल्हाप्रमुख संजू परब यांच्यासह अजय गोंदावळे, नगराध्यक्ष पदाच्या उमेदवार निता कविटकर, क्लेटस फर्नांडिस, ज्ञानेश्वर पाटकर, प्रफुल्ल गोंदावळे वगैरे २० ते २५ जणांचा समावेश आहे. तर दुसऱ्या तक्रारीत विशाल परब यांचा चालक अमरेश यादव, अॅड. अनिल निरवडेकर विनोद राऊळ यांच्यासह २० ते २५ जणांचा समावेश आहे तर पोलीस ठाण्यात बेकायदा जमाव केल्याप्रकरणी ज्ञानेश्वर पाटकर, क्लेटस फर्नांडिस, अमित परब यांच्यासह ४० ते ५० अज्ञातांवर गुन्हा दाखल करण्यात आलेला आहे. याबाबतची माहिती सावंतवाडी पोलीस ठाण्यातून देण्यात आली.

याबाबत अधिक माहिती अशी की, गाडी अंगावर घातल्याच्या रागातून काल सावंतवाडी येथील फॉरेस्ट ऑफिस कार्यालयाच्या परिसरात शिवसेना व भाजपाचे दोन गट भिडले होते. यावेळी भाजपचे युवा नेते विशाल परब यांचा चालक अमरीश यादव (रा. चराठे) याला मारहाण करण्यात आली होती. त्यानंतर त्याची गाडी अडवण्याचा प्रयत्न करण्यात आला होता. हा सर्व प्रकार तब्बल दीड ते दोन तास त्या ठिकाणी सुरू होता. त्यानंतर पोलिसांनी त्या ठिकाणी धाव घेत या प्रकारावर नियंत्रण मिळवले होते. परंतु दोन्ही गट पोलीस ठाण्यात दाखल झाले होते. रात्री उशिरापर्यंत या प्रकरणी पुन्हा दाखल करण्याची प्रक्रिया सुरू होती. दरम्यान या प्रकरणात परस्पर विरोधी आणि पोलिसांकडून तब्बल तीन वेगवेगळे गुन्हे दाखल झाले आहेत. पहिला गुन्हा हा धक्काबुक्की, मारहाण आणि गाडी अडवल्याप्रकरणी दाखल करण्यात आला आहे. याबाबतची पहिली तक्रार विशाल परब यांचे चालक अमरीश यादव यांनी दिली आहे. त्यानुसार शिवसेनेचे जिल्हाप्रमुख संजू परब, नीता कविटकर, अजय गोंदावळे, क्लेटस फर्नांडिस, ज्ञानेश्वर पाटकर, प्रफुल्ल गोंदावले वगैरे २० ते २५ जनांवर दाखल करण्यात आला आहे. दुसरी तक्रार ज्ञानेश्वर पाटकर यांनी दिली आहे. त्यानुसार अँड. अनिल निरवडेकर, विनोद राऊळ वगैरे २० ते २५ जनांवर धक्काबुक्की, शिवीगाळ व मारहाण करण्याची धमकी दिल्या प्रकरणी गुन्हा दाखल करण्यात आला आहे. तर पोलिसांकडून मनाई आदेशाचा भंग करून पोलीस ठाण्यात बेकायदा जमाव करून एकमेकांच्या अंगावर धावून जात शिवीगाळ केल्याप्रकरणी तब्बल ४० ते ५० जणांवर गुन्हा दाखल करण्यात आलेला आहे. यात ज्ञानेश्वर पाटकर, क्लेटस फर्नांडिस आणि अमित परब यांच्या नावाचा समावेश आहे.