🛑कुडाळ मधील रस्ते अपघातात एसटी अधिकाऱ्याचा मृत्यू..

🖋️लोकसंवाद /- कुडाळ.

कुडाळ एसटी डेपो मध्ये कार्यरत असणारे अधिकारी निलेश दत्ताराम वारंग (वय 41,रा.वाफोली-टेंबवाडी,सध्या रा.खासकीलवाडा-सावंतवाडी) यांचा रविवारी रात्री कुडाळ एमआयडीसी येथे झालेल्या रस्ते अपघातात मृत्यू झाला.

याबाबत कुडाळ पोलीस ठाण्यातून मिळालेल्या माहितीनुसार निलेश दत्ताराम वारंग हे रात्री 10.30 वाजण्याच्या सुमारास आपल्या दुचाकीवरुन (एमएच-07-एएम-4169) कुडाळ एमआयडीसी येथून येत असताना रेल्वे ओव्हरब्रिज नजीक असलेल्या स्पीडब्रेकर वरुन त्यांची दुचाकी उडाली आणि ते तोल जाऊन दुचाकीसह रस्त्यावर पडले. त्यात त्यांच्या डोक्याला दुखापत झाली. स्थानिकांनी त्यांना तातडीने एका खासगी रुग्णालयात हलविले पण उपचार सुरु असतानाच त्यांचा मृत्यू झाला.

या प्रकरणी तुकाराम हरिश्चंद्र चव्हाण (रा. एमआयडीसी) यांनी पोलिसात खबर दिली. या प्रकरणी कुडाळ पोलिसात चालकावर गुन्हा दाखल करण्यात आला आहे. अधिक तपास पोलीस उपनिरीक्षक श्री. सावर्डे यांच्या सह सचिन गवस, गणेश चव्हाण करत आहेत.