🛑सिंधुदुर्ग जिल्ह्यातील शिवसेना-भाजप एकत्र युतीबाबत आमदार दिपक केसरकर यांच्या निवासस्थानी बंद खोलीत बैठक सुरु.

🖋️लोकसंवाद /- सावंतवाडी.

सिंधुदुर्ग जिल्ह्यातील नगर परिषद आणि नगर पंचायत निवडणुकांच्या पार्श्वभूमीवर आता राजकीय तापमान चांगलेच चढले आहे. भाजपचे जिल्हाध्यक्ष प्रभाकर सावंत आणि जेष्ठ नेते जिल्हा बँकेचे अध्यक्ष श्री.मनिष दळवी हे आज सकाळी बुधवारी थेट आमदार दीपक केसरकर यांच्या निवासस्थानी दाखल झाले.या भेटीमुळे जिल्ह्यातील शिवसेना-भाजप युती चर्चेला अक्षरशः वेग आला आहे.

राजकीय सूत्रांच्या माहितीनुसार,खासदार नारायण राणे यांनी काही दिवसांपूर्वीच युतीबाबत स्पष्ट संकेत देत “कोणत्याही परिस्थितीत विरोधकांना फायदा होता कामा नये” असा इशारा दिला होता. त्यांनी पक्षातील प्रमुख पदाधिकारी आणि कार्यकर्त्यांची संयुक्त बैठक घेऊनच युतीसाठी ठोस पाऊले उचलली होती.

आता या चर्चेचा पुढील भाग आमदार दीपक केसरकर यांच्या निवासस्थानी बंद खोलीत चर्चा सुरू असल्याची माहिती मिळाली आहे.बंद दाराआड नेमकं काय सुरू आहे, याबाबत जिल्हा राजकारणात तर्क-वितर्कांना उधाण आलं आहे.

भाजपचे जिल्हाध्यक्ष प्रभाकर सावंत, आमदार दीपक केसरकर, आणि जिल्हा बँक अध्यक्ष मनिष दळवी यांच्यामध्ये चाललेल्या चर्चेला राजकीय महत्त्व प्राप्त झाले असून, “युतीचे सूत्र ठरणार का?” या प्रश्नाने कार्यकर्त्यांमध्ये उत्सुकता निर्माण झाली आहे.सदरची बातमी सूत्रांच्या माहितीनुसार प्रसिद्ध केली आहे.

राणेंच्या आदेशानंतर आणि बंद खोलीतील चर्चेनंतर आता जिल्हा पातळीवर युतीचा आराखडा तयार होत असल्याची शक्यता वर्तवली जाते.राजकीय पातळीवर हे स्पष्ट झालं आहे की, सिंधुदुर्ग जिल्ह्यातील पुढील निवडणुका ‘एकत्र लढलो तर अपराजेय’ या सूत्रावरच आधारित राहणार आहेत. आता सर्वांचे लक्ष या बंद खोलीतील चर्चेच्या निष्कर्षाकडे लागले आहे.युती ठरणार का? की अजून काही होईल हे आता पाहणे महत्वपूर्ण ठरणार आहे.