🛑बंडखोरी थांबवण्यासाठी “कमळ” चिन्ह डोळ्यासमोर ठेवून निवडणुकानच्या कामाला लागा.;पालकमंत्री नितेश राणे.

🖋️लोकसंवाद /- सावंतवाडी.

सावंतवाडी येथील भारतीय जनता पार्टीच्या जनसंपर्क कार्यालयाचे उद्घाटन नुकतेच पार पाडले यावेळी फलक मंत्री नितेश राणे यांनी बोलताना होऊ घातलेल्या नगरपरिषदांच्या निवडणुकीमध्ये बंडखोरी होऊ नये. ठाकरे शिवसेना, काँग्रेसला त्यांची लायकी दाखवायची आहे. राष्ट्रवादी शरद पवार गटाकडे जिल्हा परिषदेचे निवडणूक लढवण्यासाठी 50 सोडा पण 15 ही उमेदवार त्यांच्याकडे नाहीत त्यांना मुंबईतून आयात करावे लागतील त्यामुळे कमळ हे चिन्ह डोळ्यासमोर ठेवून कामाला लागा. तुमची इच्छा असेल तर तो ही प्रयोग करुन बघू, पण बंडखोरी वाढल्यास नंतर आम्हाला सांगू नका, अशी स्पष्ट भूमिका जिल्ह्याचे पालकमंत्री तथा भाजपाचे नेते नितेश राणे यांनी आज येथे मांडली. दरम्यान अरे ला कारे करायला आम्हाला कोणी सांगू नये त्यात आमची पीएचडी आहे. आम्ही आमच्या नेत्याकडे बघून गप्प बसलो आहोत. त्यामुळे कोणी डीवचण्याची भाषा करू नये. भाजपाच्या मदती शिवाय कोकणातील एक ही आमदार होवू शकला नसता, असे म्हणत निवडणुकीमध्ये प्यार कीया तो डरना क्या असे म्हणणारे निवडणुकीनंतर मात्र हम आपके है कौन…? असे म्हणत आहेत, असे सांगून त्यांनी महायुतीच्या नेत्यांना चिमटा काढला.

ज्यांना मीच नगराध्यक्ष बनवलं तेच मला आव्हान देत आहेत. कोण चिडवतंय कोण डीवचतय आहे याकडे लक्ष देऊ नका आमच्यात सुद्धा धमक आहे नुकताच मी 307 च्या गुन्ह्यांमधून निर्दोष होऊन आलो आहे.

यावेळी व्यासपीठावर प्रदेशाध्यक्ष रवींद्र चव्हाण विधानसभेचे अध्यक्ष राहुल नार्वेकर,पालकमंत्री नितेश राणे जिल्हाध्यक्ष प्रभाकर सावंत जिल्हा बँकेचे अध्यक्ष मनीष दळवी, माजी आमदार अजित गोगटे, माजी आमदार प्रमोद, जठार संघटन मंत्री शैलेंद्र दळवी, रणजीत देसाई, लखमराजे भोसले, विशाल परब, वेदिका परब महिला जिल्हाध्यक्ष श्वेताताई कोरगावकर, अतुल काळशेकर राजू राऊळ, सर्व मंडल अध्यक्ष पदाधिकारी कार्यकर्ते उपस्थित होते.