🛑विशाल परब यांच्या संकल्पनेतून साकार झालेल्याभाजपच्या जनसंपर्क कार्यालयाचे थाटात उद्घाटन.

◼️भाजपा प्रदेशाध्यक्ष रवींद्र चव्हाण,विधानसभेचे अध्यक्ष राहुलजी नार्वेकर,पालकमंत्री नितेश राणे यांच्या उपस्थितीत कार्यक्रम संपन्न.

🖋️लोकसंवाद /- सावंतवाडी.

भाजपा युवा नेते विशाल परब यांच्या संकल्पनेतून सुरू करण्यात आलेल्या सावंतवाडीतील भाजप जनसंपर्क कार्यालयाचे उद्घाटन आज मोठ्या उत्साहात पार पडले. या कार्यक्रमाला भाजप प्रदेशाध्यक्ष रवींद्र चव्हाण, विधानसभा अध्यक्ष राहुल नार्वेकर तसेच राज्याचे पालकमंत्री नितेश राणे प्रमुख पाहुणे म्हणून उपस्थित होते.

या प्रसंगी विशाल परब यांनी सर्व मान्यवर पाहुण्यांचे जोरदार स्वागत केले. कार्यक्रमस्थळी भाजप कार्यकर्त्यांनी घोषणाबाजी करत स्वागत मिरवणूक काढली. नवीन जनसंपर्क कार्यालयाच्या उद्घाटनाने भाजपच्या संघटनात्मक कामकाजाला नवी दिशा मिळणार असल्याची भावना यावेळी व्यक्त करण्यात आली. हे कार्यालय निवडणुकीच्या वेळी अत्यंत महत्त्वाचे ठरणार असल्याचे रवींद्र चव्हाण यांनी सांगितले आणि अशा प्रकारची कार्यालय सर्व तालुक्यात व्हावी ही इच्छा व्यक्त केली.

यावेळी व्यासपीठावर प्रदेशाध्यक्ष रवींद्र चव्हाण विधानसभेचे अध्यक्ष राहुल नार्वेकर,पालकमंत्री नितेश राणे जिल्हाध्यक्ष प्रभाकर सावंत जिल्हा बँकेचे अध्यक्ष मनीष दळवी, माजी आमदार अजित गोगटे, माजी आमदार प्रमोद, जठार संघटन मंत्री शैलेंद्र दळवी, रणजीत देसाई, लखमराजे भोसले, विशाल परब, वेदिका परब महिला जिल्हाध्यक्ष श्वेताताई कोरगावकर, अतुल काळशेकर राजू राऊळ, सर्व मंडल अध्यक्ष पदाधिकारी कार्यकर्ते उपस्थित होते.