🛑परुळे बाजार ग्रामपंचायत सभागृहात रक्तदान शिबीर व महिला हिमोग्लोबिन तपासणी शिबिर संपन्न..

🖋️लोकसंवाद /- परुळे.

रक्तदान हे श्रेष्ठ दान… रक्तदान हे जीवदान आहे चला एक थेंब रक्त देऊन एखाद्याला नवजीवन देऊया! असा प्रेरणादायी संदेश देण्याच्या हेतूने परुळे बाजार ग्रामपंचायत सभागृहात रक्तदान शिबीर व महिला हिमोग्लोबिन तपासणी शिबिराचे शुक्रवारी आयोजन करण्यात आले होते.या रक्तदान शिबीराला रक्तदात्यांचा उत्स्फूर्तपणे प्रतिसाद लाभला तसेच मोठ्या प्रमाणात महिला वर्ग यांची हिमोग्लोबिन तपासणी देखील करण्यात आली.आयोजित शिबिर मुख्यमंत्री समृद्ध पंचायत राज अभियान तसेच महिला स्नेही ग्रामपंचायत अभियान अंतर्गत ग्रामपंचायत परुळे बाजार (ता. वेंगुर्ला), युवक कला क्रीडा मंडळ परुळे, महालक्ष्मी ज्ञानवर्धिनी वाचनालय परुळे बाजार, आणि युनिकब्लड मोटिव्हेटर्स फाउंडेशन व सिंधु रक्त मित्र प्रतिष्ठान सिंधुदुर्ग यांच्या संयुक्त विद्यमाने शिबिराचे आयोजन करण्यात आले होते. या शिबिराचे उद्घाटन माजी आरोग्य सभापती निलेश सामंत यांच्या प्रमुख उपस्थितीत दिपप्रज्वलन करत पार पडले.यावेळी परुळे बाजार ग्रामपंचायत सरपंच प्रणिती आंबडपालक, उपसरपंच संजय दूधवडकर, सिंधु रक्त मित्रचे संस्थापक
प्रकाश तेंडुलकर, रक्त मित्रचे यशवंत गावडे , महालक्ष्मी ज्ञानवर्धिनी वाचनालय अध्यक्ष विजय तुळसकर, परुळे युवक कला मंडळ अध्यक्ष अमेय देसाई, लोकमान्य पतसंस्थाचे गौरी सामंत ,कुशेवाडा सरपंच निलेश सामंत,माजी सरपंच तथा सदस्य प्रदीप प्रभू , ग्रामपंचायत सदस्य प्राजक्ता पाटकर ,नमिता परुळेकर ,तन्वी दूधवडकर , अभय परुळेकर, सुनाद राऊळ , पुरुषोत्तम प्रभू ,ग्रामपंचायत ग्रामअधिकारी शरद शिंदे, गोपुरी आश्रमचे नेवगी सर, डॉ.मनिषा सावंत, रक्तपेढी तंत्रज्ञ प्राजक्ता रेडकर,अधिपरिचारीका मानशी बागेवाडी, रक्तपेढी परिचर अनिल खांडे, सहायक रश्मी राऊळ,वाहन चालक इलियास मेहत्तर, रक्तपेढी सहाय्यक अंकीता चव्हाण,अक्षता परुळेकर, पोलीस पाटिल जान्हवी खडपकर, संदेश पवार, पत्रकार संदिप चव्हाण व शंकर घोगळे, अंगणवाडी सेविका,सी.आरपी ग्रामस्थ कर्मचारी रक्तदाते महिला व ग्रामस्थ उपस्थित होते .
या बोलताना सिंधु मित्र प्रतिष्ठापन अध्यक्ष प्रकाश तेंडुलकर यांनी परुळे ग्रामपंचायतचे आदर्शवत उपक्रम सर्वत्र पोचणे गरजेचे आहे.त्याचप्रमाणे रक्तदान व रक्ताचे नाते यांचे विस्तृत विश्लेषण करत रक्तदान केल्याने काय फायदे होतात यांची माहिती दिली तसेच ३३वर्ष सिंधु मित्र प्रतिष्ठापन चे काम अविरतपणे चालू असून कुणाला रक्ताची गरज भासल्यास संपर्क करण्याचे आवाहन देखील या निमित्ताने केल.या रक्तदान शिबीरात सिंधुदुर्ग विमानतळचे सुरक्षा रक्षक यांनी सहभागी होत उत्स्फूर्तपणे रक्तदान केले.तसेच या शिबिराचा उद्देश ग्रामस्थांमध्ये रक्तदाना विषयी जागरूकता निर्माण करणे तसेच महिलांच्या आरोग्याबाबत जनजागृती करणे हा आहे .समाजातील प्रत्येक घटकाने आरोग्यदायी आणि संवेदनशील गाव भरण्यासाठी सहभाग घेणे हीच या उपक्रमाची प्रेरणा आहे.कार्यक्रमाची प्रस्तावना ग्रामविकास अधिकारी शरद शिंदे यांनी मांडली तर आभार सुनाद राऊळ यांच्या कडून व्यक्त करण्यात आले.