🛑जिल्ह्यातील आरोग्य समस्येवरती नागरिक जागृत आहेत का?.;सामाजिक कार्यकर्ते प्रसाद शिरसाट.

🖋️लोकसंवाद /- कुडाळ.

अनेक वर्ष शासकीय आरोग्य समस्या नागरिकांना भेडसावत आहे हे सत्य नाकारू शकत नाही.अनेक निवडणुका येतात परंतु त्या निवडणुकीमध्ये प्रचारार्थ जिल्ह्यातील आरोग्याची समस्येचा गंभीर असतानाही त्याकडे लक्ष का दिले जात नाही ? जिल्ह्यामध्ये अनेक पक्ष व कार्यकर्ते आहेत ते आपापल्या नेत्यांना आणि पक्षांना मोठे करण्यासाठी अहोरात्र श्रम घेत असतात.

जिल्हयातील आरोग्याची गंभीर समस्येवरती तेवढे ते सक्रिय होताना दिसत नाही जिल्ह्याची आरोग्य यंत्रणा सक्षम करावी यासाठी प्रयत्नशील होणे मग तो गल्लीतील कार्यकर्ता असो शहरातील असो किंवा वरील वरिष्ठ पातळीवरील असो आपल्या वरिष्ठ नेत्यांकडे आरोग्याच्या समस्येमुळे सामान्य जनतेचे होत असलेले हाल त्यांच्या पर्यत पोचवणे ( निवेदन किंवा प्रत्यक्ष भेटून ) ही आपली जबाबदारी नाही का? आरोग्य यंत्रणा सक्षम नसल्यामुळे यापूर्वीही अनेक कुटुंबांना या त्रासाला सामोरे जावे लागले आहे काही नागरिकांना मृत्यूलाही सामोरे जावे लागले याचे दुःख आपल्याला केव्हा कळणार ?
यापुढे जिल्ह्यामध्ये कोणती निवडणूक असेल नागरिकांनी एक होऊन आरोग्याचा गंभीर प्रश्न सोडवण्यासाठी येणाऱ्या उमेदवाराला किंवा कार्यकर्त्यांना आपल्या नेत्यांतर्गत पोचवा जेणेकरून पुढील भवितव्यात जिल्ह्यातील शासकीय आरोग्याचा प्रश्न सुटेल तो प्रश्न सोडवण्यासाठी लागणार आपणआणखी किती वर्षे इतर राज्यावरती ( गोवा कर्नाटक ) किंवा इतर जिल्ह्यांवरती अवलंबून राहणार किती कुटुंबे आपल्या घरातील व्यक्तीचा जीव वाचविण्यासाठी गोवा बांबूळीस किंवा इतर ठिकाणी धाव घेणार ?आज प्रयत्न केला तर पुढील भवितव्य जिल्ह्यातील आरोग्य यंत्रणा सक्षम होईल आपण ठरवून प्रयत्न करा आपण केलेले प्रयत्न आपल्या व आपल्या समाजाच्या सार्थकी लागतील.