🛑भाजपचे माजी शहरअध्यक्ष अजय गोंदावळे यांच्यासह भाजपच्या ४० पदाधिकाऱ्यांचा शिवसेनेत प्रवेश.

🖋️लोकसंवाद /- सावंतवाडी.

मित्रपक्ष भाजपने दिलेल्या ‘हिम्मत असेल तर पदाधिकारी फोडून दाखवा!’ या थेट आव्हानाची शिवसेना (शिंदे गट) जिल्हाप्रमुख संजू परब यांनी अक्षरशः हवा काढली आहे. भाजपच्या गडाला जोरदार खिंडार पाडत, सावंतवाडी शहराचे माजी शहर मंडल अध्यक्ष तथा जिल्हा कार्यकारिणी सदस्य अजय गोंदावळे यांनी तब्बल ४० निष्ठावान कार्यकर्ते आणि पदाधिकाऱ्यांसह भाजपला ‘जय महाराष्ट्र’ करत शिवसेने मध्ये धडाकेबाज प्रवेश केला.

आमदार दीपक केसरकर आणि कुडाळ चे आमदार निलेश राणे यांच्या मार्गदर्शनाखाली आणि संजू परब यांच्या नेतृत्वाखाली झालेल्या या प्रवेशाने सावंतवाडीच्या राजकारणात मोठा राजकीय भूकंप झाला आहे.

‘गेली साडेचार वर्ष प्रामाणिक काम करूनही हल्लीच्या भाजपमध्ये बाहेरच्यांचेच जास्त ऐकले जाते. अंतर्गत धुसफुस आणि योग्य वागणूक न मिळाल्यामुळेच आम्ही हा निर्णय घेतला,’ असे सांगत गोंदावळे यांनी भाजपच्या कार्यपद्धतीवर तीव्र नाराजी व्यक्त केली.

यावेळी बोलताना संजू परब यांनी, ‘नाराज असलेले गोंदावळे कदाचित उद्धव बाळासाहेब ठाकरे यांच्या शिवसेनेत जाण्याऐवजी, त्यांनी शिंदे साहेबांच्या नेतृत्वाखाली काम करावेयासाठी आम्ही साद घातली,’ असे स्पष्ट केले. शहरप्रमुख बाबू कुडतरकर यांनी त्यांचे स्वागत करत, पुढील आठ दिवसांत त्यांना संघटनेत सन्मानपूर्वक जबाबदारी दिली जाईल, अशी घोषणा केली.

आज झालेल्या पक्षप्रवेशात अजय गोंदावळे माझी शहराध्यक्ष तसेच भूत अध्यक्ष मंदार पिळणकर, ज्ञानेश्वर पाटकर, शाम रेमुळकर, गणेश कुडव यांच्यासह युवा मोर्चा अध्यक्ष राज वरेकर, युवा मोर्चा उपाध्यक्ष अमेय वराडकर, जॉनी डिसूजा, नीलांग सावंत, संजय वरेकर, मिथिलेश सुकी, क्रिश सावंत, शंकर तारी, शंकर मठकर, नेवीस परेरा, शितल गोंदावळे, सनी जाधव, अजिंक्यराज गोंदावळे, रुद्राक्ष भोसले, सदानंद कदम यासह चाळीस कार्यकर्त्यांसह पदाधिकाऱ्यानी शिंदे शिवसेनेत प्रवेश केला.

या पक्षप्रवेशाच्या वेळी जिल्हाप्रमुख संजू परब, शहर प्रमुख बाबू कुडतरकर यांच्यासह अनेक प्रमुख नेते आणि पदाधिकारी मोठ्या संख्येने उपस्थित होते.