🛑कुडाळ नगरपंचायत हद्दीतील दिव्यांग निधी अनुदान 67 व्यक्तींना वितरीत.

◼️नगराध्यक्षा सौ.प्राजक्ता बांदेकर-शिरवलकर यांची माहिती.

🖋️लोकसंवाद /- कुडाळ.

कुडाळ नगरपंचायत कुडाळ शहराच्या विकासासाठी व कुडाळ शहर वासियांचे जीवनमान सुधारण्यासाठी अनेक लोकपयोगी विकासकामे करीत असते,त्यासाठी नगरपंचायतीच्या अर्थसंकल्पात विविध कामासाठी भरघोस निधीची तरतूद केली जाते.सन 2025-26 आर्थिक वर्षासाठी दिव्यांगप्रती असलेली जाणीव व त्यांचे राहणीमान सुधारण्यासाठी दिव्यांग निधीची तरतूद करणेत आलेली होती.त्यानुसार दिव्यांग बांधवाना मदतीचा हात देणेचे हेतूने व त्यांच्या व्यवसाय वृद्धीसाठी अनुदान उपलब्ध करुन देणेत आले आहे.कुडाळ नगरपंचायत हद्दीतील दिव्यांग निधी अनुदान 67 व्यक्तींना वितरीत करण्यात आलेले आहे.एकूण रक्कम रु. 5,76,200/- एवढी आज गुरुवार दि.17/10/2025 रोजी वितरीत करण्यात आलेली असून प्रत्येक लाभार्थी व्यक्तीने बँक खात्यात रु. 8600/- एवढी जमा झाली का तपासून पाहणे यांची लाभार्थ्यांनी नोंद घ्यावी.अशी माहिती कुडाळ
नगरपंचायत च्या नगराध्यक्षा सौ.प्राजक्ता बांदेकर-शिरवलकर यांनी दिली आहे.