🛑स्थानिक गुन्हे अन्वेषण शाखेची आंबोली येथे धडक कारवाई..

🖋️लोकसंवाद /- आंबोली.

स्थानिक गुन्हे अन्वेषण शाखेने
आंबोली ते सावंतवाडी रोडवर आज 12 ऑक्टोबर रोजी सकाळी 7.15 वा.1,67,400 रुपये ची गोवा बनावटीची दारू जप्त केली असून10 लाख किमतीचे XUV 500 कारसह एकूण 11,67,400 रुपये किमतीचा मुद्देमाल जप्त केला आहे.याप्रकरणी अजित सुखदेव जगताप रा. मोहोळ व पुंडलिक नामदेव बाबर रा.पंढरपूर यांच्यावर महाराष्ट्र दारूबंदी अधिनियम कलम 65 अ, इ ,81, 83 प्रमाणे गुन्हा दाखल करण्यात आला आहे. सदर कारवाई पोलीस अधीक्षक सिंधुदुर्ग
मोहन दहिकर, अप्पर पोलीस अधीक्षक सिंधुदुर्ग नयोमी साटम
यांच्या सुचनेनुसार पोलीस निरीक्षक प्रवीण कोल्हे यांच्या मार्गदर्शनाखाली सहाय्यक पोलीस उपनिरीक्षक सुरेश राठोड, पोलीस हवालदार अमर कांडर, महेश्वर समजिसकर यांनी केली आहे.याप्रकरणी सावंतवाडी पोलीस अधिक तपास करीत आहेत. याबाबतची माहिती
स्थानिक गुन्हे अन्वेषण शाखा यांच्याकडून देण्यात आली.